FEATUREDGeralIkus LiuNews

Enviadu Espesial Extraordinariu Xanana Gusmão To’o Ona Iha Roma

Fahe Tutan

Naunil Media (Roma), Enviadu Espesial Extraordinariu Prezidente Repúblika (PR) José Ramos Horta, Kay Rala Xanana Gusmão to’o ona iha Roma-Italia loron Tersa oras 1:38.

Liu husi Komunikadu ne’ebé Naunil Média asesu iha média palásiu Prezidensiál Tersa, (23/08/2022) hateten katak Kay Rala Xanana Gusmão ho ekipa to’o ona iha Roma-Italia ne’ebé simu direitu husi Embaixadora Timor-Leste ba Vaticano.

Xanana Gusmáo akompaña hosi Assesor Polítiku Prezidente Repúblika, Tomas do Rasário Cabral no Ex-Embaixadór, Roberto Soares, no simu direita hosi Embaixadora Timor-Leste ba Vaticano, Juvita Rodriguês Ataide Gonçalves ho ekipa iha Aeroportu Internasionál Leonardo da Vinci.

Hafoin to’o iha Roma – Itália, ekipa ne’ebé husi Dubai ho aviaun emirates ho númeru voo EK0087, simu direta usi embaixadora Juvita Rodrigues, hodi entrega kedas aifunan fresku ba Líder Istóriku ne’e nu’udar sinal agradesimentu ba vizita servisu ne’e.

Hafoin ida ne’e, Embaixadora lori kedas Enviadu Espesiál Xefe Estadu ne’e ba salaun VIP hodi deskansa minutu balun, hodi atualiza informasaun no kona-bá programa vizita sei hala’o tuir ajenda ne’ebé ekipa prepara hamutuk ho Santa Sé, hodi hasoru Amu Papa Fransisco iha Basilika São Pedro Vaticano.

Arsebispu Arquidioseze Metropolitana Díli, Dom Virgílio do Carmo da Silva aranka Tersa-Feira ne’e husi Díli no sei to’o iha Kuarta-Feira iha loron 23 Agostu iha Roma, no sei simu direta husi protokolu Santa Sé no embaixadora Juvita Rodriguês.

Bispo Virgílio hamutuk ho bispu na’in-20 sira seluk sei hela hamutuk iha fatin bispu sira nian ne’ebé Vaticano prepara ona.

Iha loron 27 Agostu maka, Papa Fransisco sei hala’o serimónia investidura ba kardeál na’in-21  inklui bispu Díli ne’ebé sei hetan investidura kompostu husi kardeál foun na’in-ualu (8) hosi Europa, neen (6) hosi Ázia, rua (2) hosi Áfrika, ida (1) hosi Amérika Norte, haat (4) hosi Amérika Sentrál no Latina Amérika nian. *Jos

Leave a Reply

Your email address will not be published. Required fields are marked *