Misa Kardeal Virgílio iha Loron 6 Setembru, Dioseze Maliana Husu Sarani-Partisipa
Naunil Media (Díli), Dioseze Maliana (DM) husu sarani sira atu partisipa misa agradesementu ba Kardeal Dom Virgílio do Carmo da Silva, SDB, ne’ebé sei hala’o iha loron 6 Setembru 2022 iha Tasi Tolu.
“Reverendos parocos, Nailulik, Superiores, religiojos/as no sarani sira hotu iha Dioseze Maliana laran. Husi meiu ida ne’e ami hakarak komunika ba ita bo’ot sira kona-bá programa simu Kardeal Dom Virgilio do Carmo da Silva, SDB no misa agradesementu, Kardeal nian iha Tasi Tolu”, liu husi Komunikadu ne’ebé Naunil Média asesu iha pájina Dioseze Maliana, ne’ebé assina husi Vice Chanceler padre Levinson Verdial, tersa, (23/08).
Liu husi Komunikadu ne’e mós hateten programa sira ne’ebé sei realiza mak hanesan iha loron 5 fulan Setembru 2022, simu Kardeal Dom Virgílio do Carmo da Silva, SDB, iha oras 6:00h dader, fatin iha Aeroportu Nicolau Lobato Comoro, no mós iha loron 6 fulan Setembru 2022, sei iha misa agradesementu iha oras tuku 4:00 lokraik fatin Tasi Tolu.
Liu husi Komunikadu ne’e husu mós ba Amo parocu atu fó hatene ba sarani sira, no grupu kategorias tomak atu bele partisipa iha selebrasaun ne’e. *Jos
