DesportuFEATUREDIkus LiuNews

SEJD Audensia Ho Prezidente Federasaun  Sira, Ajenda Ba Jogu CPLP 2024

Fahe Tutan

Naunil Media (Díli), Tersa (23/08), Sekretáriu Estadu Joventude no Desportu (SEJD), halo audensia ho Prezidente Federasaun sira, hodi halo ajenda ba Preparasaun ba Jogu CPLP iha  tinan 2024.

Diretór Nasionál Desportu Komunitaria  João Rodrigues informa, Objetivu  reniaun ho federasaun sira ne’e atu haten sira nia preparasaun ba jogu CPLP,  ne’ebé mak Timor-Leste sai hanesan Uma na’in ba jogu iha tinan 2024.

“Hatene katak iha tinan 2020 Timor-Leste atu sai uma na’in ba jogu CPLP, tan pandemia Covid-19 no iha mudansa, hanesan uma na’in propoin ba 2022, infelizmente muda total ba tinan 2024”, dehan Diretór João Rodrigues ba jornlista sira iha Salaun SEJD, tersa (23/08).

Diretor hatutan iha fulan outubro agora iha reuniaun ida iha Cabo Verde kona-ba konferensia juventude no desportu, tamba ne’e mak halo fali konfirmasaun ba modalidade hirak ne’ebe mak partisipa iha eventu ne’e liga ba numeru sira ne’ebe propoin iha tinan 2020, hodi Sekretáriu Estadu Juventude no Desportu no ekipa ba aprezenta iha Cabo verde hodi deside hamutuk modalidade hira mak tuir eventu jogu CPLP.

Nia dehan,  SEJD  preparasun ba eventu refere sufisente ona, no ba atleta sira mós preparadu ona hein de’it eventu ne’e hahú.

“Preparasaun ba eventu ne’e hahú iha 2020, no osan preve ba modalidade sira mós iha, ba hotel, alimentar no trasporte mós preparadu ona”, katak nia.

Iha fatin hanesan Prezidente Federasaun Afaranio Xavier Amaral,  dehan atletismu sira prepararadu ona, iha fulan  Janeru tinan 2023, sei prepara atletismu Nasionál sira hodi prepara ba jogu CPLP.

“husi parte SEJD konvida ami mai atu haree ba atleta sira ho idade juvinil, atu to’o iha tinan  2024,  sira tenke to’o ona  tinan 16 hodi bele  partisipa iha jogu ne’e,  Jeneru 2023 sei hamosu Atletismu Nasionál ida”, Prezindente Esplika.

Orsamentu ba Jogo ne’e  husi Orsamentu Jerál Estadu 2023 (OGE) modalidade 8/9 mak sei kompete iha Jogu CPLP. Gyor

Leave a Reply

Your email address will not be published. Required fields are marked *