Uma Kreda TL Lakon Bibi Atan Ida
Naunil Media (Díli), Uma kreda Timor-Leste lakon ona Bibi atan di’ak ida hosi sarani tomak nia let, ho naran Pe. Abito José Britos Casmeiro, tanba hetan asidente ho motor iha Suku Dare , Postu Administrativu Vera Kruz, iha Segunda 22 fulan Agustu 2022.
“Ami komunika ba Nailulik, relijiso/a no sarani sira hotu katak, horseik loron 22 fulan Agusto 2022, Nai Maromak bolu hikas ona Pe. Abito José Britos Casmeiro”, haktuir komunikadu imprensa Arquediocese Metropolitano de Díli, tersa (23/08).
Matebia nudar formadór iha semináriu Maior São Pedro São Paulo, Fatumeta Díli, dadaun ne’e isin mate iha hela mortuariu Hospital Nasionál Guido Valadares, hodi submete ba iha investigasaun polísia nian, nune’e bele hatene lolos kauza kona-bá nia mate.
Tuir programa Dioseze Díli isin padre nian sei ba tau iha semináriu Maior Fatumeta, iha selebrasaun Santa Misa no funebre sei fó sai iha okasiaun tuir mai. Lop
