Coliati Informa Situasaun Militár Ba Xefe Estadu
Naunil Media (Díli), Vice Xefe Estadu Maior General Forsa Armada, Majór General Calisto do Santos Coliati informa, Situasaun no dezenvolvimentu iha Falintil Forsa Defeza Timor-Leste (F-FDTL) nian ba Xefe Estadu.
Majór General Coliati hato’o lia hirak ne’e ba jornalista sira hafoin enkontru ho Prezidente Repúblika PR José Ramos Horta iha palásiu Prezidensiál Nicolau Lobato Bairru Pite, Sexta, (26/08).
“Ha’u mai reprezenta Tenente General mai hasoru Prezidente Repúblika atu informa ba Prezidente Repúblika kona-ba situasaun iha area militár durante fulan Agostu nia laran. Situasaun mak hanesan ita boot sira hatene kona-ba situasoens seguransa, situasoens kona-ba dezenvolvimentu de tropa situasaun sira ne’e mak informa ba Prezidente Repúblika,” dehan Majór General
Majór General ne’e hatutan, Nia parte la informa ba Prezidente Repúblika kona-ba rekerimentu tanba rekerimentu ne’e matéria ne’ebé tekniku liu no laiha nesesidade atu ko’alia ho Prezidente Repúblika, nune’e mós atu ko’alia ho Xefe Estadu kona-ba kestaun estratéjiku, maibé lakoalia kona-ba kestaun operasionais.
Iha enkontru ne’e Prezidente Repúblika (PR) José Ramos Horta mós husu tropa sira mantein disiplina hanesan militár bazeia ba regulamentu disiplina militár, komportamentu militár iha sosiedade oinsá no komportamentu militár iha baze hanesan militár ida ne’e mak Xefe Estadu nia rekomendasaun.* Jos
