FEATUREDIkus LiuNewsPolitika

Kompaña Autozone UNIP,LDA Entrega Ekipamentu Pezadu UNIDADE 15 ba IGE,IP

Fahe Tutan

Naunil Media (Díli), Ohin loron 29 fulan Agostu 2022 Kompaña manán nain ho naran kompana Autozone Unipesoal. LDA, entrega ekipamentu pezadu unidade 15 mai institutu Gestaun Ekipamentu, Instituisaun Públiku (IGE, IP)

Tuir prezidente IGE,IP Ermenegilda da C. Laurentina katak, ekipamentu unidade 15 ne’ebé mak kompaña manán nain entrega mai IGE mak hanesan, Eskavator 55 nian rua, 135 iha rua, 215 iha rua, no sira seluk hanesan rota meix, tronton no mós penomatik hibrolix.

“Montante orsamentu ne’ebé aloka hodi sosa ekipamentu hamutuk dois milloes dolares amerikanu, no kompana manán ho nia valor kontratu millaun ida 688 mil. IGE IP espera ho númeru makina foun unidade 15 bele ajuda ami hodi atinji ami nia pozisaun ba pupansa no reseitas ne’ebé ami tau ona”, dehan prezidente IGE ba jornalista iha edifisiu IGE, segunda (29/8).

Enkuantu prezidente IGE informa mós ba públiku katak, tuir kontratu ekipamentu foun, ne’ebé ami sosa sei halo manutensaun durante tinan tolu, no konkordansia ne’e ami halo atraves de kontratu.

“Ami espera sei bele kumpri promesa ida ne’e”, Dehan prezidente IGE

Prezidente IGE hateten, ekipamentus pezadus unidade 15 ne’e mai husi nasaun Xina.

Enkuantu orsamentu ba ekipamentus ne’e husi orsamentu jerál estadu (OJE), 2021 nian tanba prosesu la’o iha CNA, entaun prosesu la’o tarde ituan, ne’ebé orsamentu taka maibé prosesu atministrativu la’o nafatin, entaun kontinua la’o to’o fulan Marsu. Ne’ebé tinan ida ne’e mak Ministru obras públiku atual asina kontratu, depois tuir bazea ba Timor eskeadu ne’ebé mak iha, kompaña lori duni makina pezadus ne’e tuir Timor eskeadu ne’ebé determina.

Iha sorin seluk hanesan Diretór komapaña Autozone Chen Youyu katak, servisu ne’ebé agora ami iha IGE mak hodi fornese 15 unidade ba makina pezadu sira mai IGE.

Fornese Ekipamentu sira ho kualidade di’ak no ami nia kliente satisfasaun mak sai hanesan ami nia prioridade primeiru.

Nune’e ami la’ós de’it fó garantia tinan ida ba makina pezadus sira hotu, maibé ami mós fornese gratuita item sira ba manutensaun ho makina pezadus sira durante tinan tolu.

“Ha’u espera ekipamentu sira ne’ebé mak oferese husi ami bele iha ba bom maior, no bele fó benefisiu ba servisu hotu-hotu iha IGE sei halo iha futuru”, hakotu Diretór Kompaña Autozone unip.LdA.  LTS/Gyor

Leave a Reply

Your email address will not be published. Required fields are marked *