PM Taur: Apresia IGE,IP Atende Komunidade Hasoru Dezastre Naturais

Naunil Media (Díli), Primeiru Ministru (PM) Taur Matan Ruak Apresia ba prezensa husi Institutu Gestaun Ekipamentus, Institutu públiku (IGE,IP) hodi atende komunidade ne’ebé hasoru situasaun emergensia, liu-liu dezastre naturais iha tinan hirak laran.

“Ita haree servisu bo’ot ida ne’ebe parte IGE halo hodi responde situasaun emergensia sira liu-liu iha dezastre naturais, sidadaun sira presiza Emprezariu sira, no populasaun sira tomak be’e tama sira nia fatin, taka estrada no fatin-fatin sira halo sokordu sira halo hodi fo apoiu”, dehan PM Taur iha serimonia entrega Ekipamentus pezadu ba IGE,IP, Kolmera, segunda (29/08).

PM Taur haktuir, Situasaun emergensia ruma ka dezastre naturais, la’os de’it servisu IGE.IP Mesak, maibé hetan mós apoiu ruma husi emprezariu sira balun, kontratu ho Governu no balun oferese sentidu umanismu ba sidadaun sira.

“Ha’u Kontente los tinan hirak ne’e nia laran Ekipamentu Pezadu halo servisu barak los, pouza masimu rekursu ne’ebé ita iha hodi apoiu ita nia populasuan, ha’u ladun preokupa atu Ekipamentu Pezadu halo osan ba governu, mais ha’u preokupa oinsa ajuda ita nia populasaun, loke dalan ba sira, ne’e ha’u kontente los”, Taur dehan.

Ho nune’e, PM Taur apresia ba ekipa husi IGE.IP ba sakrifisiu no servisu hodi Responde ba sidadaun nia presiza, liu-liu iha tinan kotuk liu ba Responde ba situasaun kalamidade.

“Ita nia sidadaun sira persija ajuda, liu-liu fatin sira ne’ebe mak dezastre naturais, tanba ita nia sidadaun sira hateke iis la to’o atu ke, entaun ho ajuda husi IGE sira sente kaman, tanba ne’e apresia ba imi nia servisu kontinua nafatin apoiu sidadaun sira”, nia relata.

Tanba ne’e nia espera katak IGE sei kontinua nafatin fó apoiu ba populasaun sira ne’ebé hasoru situasaun dezastre naturais no kalamidade ruma.

iha Fatin hanesan, Prezidente Institutu Gestaun Ekipamentu (IGE.IP) Ermenegilda da C. Laurentina Rekonese Durante kalamidade tempu udan ne’e difikuldade tebes ba IGE atu mobiliza makina pezadus ba fatin sira akontesimentu kalamidade.

Nia dehan, liu-liu ita iha Dili laran iha parte manleuna nian katak uma sira ne’e besik malu, entaun ita atu mobiliza makina pezadus ne’e difisil, Maibé sira nafatin tenta dehan IGE tenke mai.

“ami ba to’o iha fatin makina pezadus labele tama atu apoiu ita nia komunidade sira, tanba ida ne’e mak ho hanoin ida katak makina kiik rua 55 iha kotuk ne’e ita bele iha ba fatin sira ne’ebé mak makina bo’ot labele asesu”.  nia hakotu. LTS