Somotxo : Líder FRETILIN “Marí Alkatiri ho Lú-Olo” Tenke Halo Reflesaun
Naunil Media (Díli) Membru Komite Sentral Frente Revolusionária Timor-Leste Independente-FRETILIN (CCF-Sigla Portugés), José Agostinho Sequeira “Somotxo” husu Sekretáriu Jerál, Marí Bin Amude Alkatiri ho Prezidente Partidu FRETILIN, Francisco Guterres “Lú-Olo” atu labele taka matan to’o monu de’it ho FRETILIN, maibe tenke halo reflesaun ba sira nian líderansa durante mandatu.
“Ho respeitu tomak ba fundadores hanesan Doutor Marí, maun Lú-Olo, sira mos tenke halo reflesaun, labele ida taka matan to’o fali hanesan monu ho partidu FRETILIN, tanba mandatu haat ne’e, hau hanoin presija hanoin”, atual Deputadu FRETILIN, Somotxo, ba www.naunil.com hafoin sai orador principal iha aktividade mini semináriu organiza husi Asosiasaun Enjinaria Petróliu Timor-Leste, iha Taibesi, Tersa (30/08).
Tuir eis-gerileiru rejistensia husi rejiaun um Ponta Leste, Somotxo, katak tempu ne’ebé lideransa atual Marí ho Lú-Olo assume ne’e sufisiente ona hodi hatudu kontribuisaun ba dezenvolvimentu partidu FRETILIN.
“Ami hanoin forma pakote, tanba tempu ne’ebé lideransa atual assume, ne’e tempu ida que mais sufisiente para sira hatudu sira nian kontribuisaun ba partidu ida ne’e ninia dezenvolvimentu”, dehan Eis-Ministru Defeza, Somotxo.
Nia argumenta, qual quer organizasaun polítika ou organizasaun social, tenke determina tempu (mandatu), tenke nakloke no fó oportunidade ba maluk sira seluk hodi lori partidu ba future ne’ebé di’ak liu.
“Ida ne’e signifika katak ita nunka halo reflesaun ba ita nia án, tan ida ne’e ami ajuda lideransa atual atu halo refleksaun”, tenik Somotxo.
Tuir planu kongresu nasionál FRETILIN sei hala’o durante loron tolu ne’ebé sei akontese iha inísiu fulan Setembru tinan ne’e.
Enkuantu notisia ne’e publika, jornalista www.naunil.com seidauk halo konfirmasaun ho Sekretariu Jeral FRETILIN ho Prezidente Partidu FRETILIN. Tri
