MESSK Asina Kontratu Ho Kompaña Internasionál Ba Projetu Edifisiu Foun IPB-Betano
Naunil Media (Díli), Governu liu husi Ministeiriu Ensinu Superior Siénsia no Kultura (MESSK), ho kompaña Chonquing international contruction corporation asina kontratu ba projetu konstrusaun edifisiu foun institutu politekniku Betanu (IPB).
Ministru Ensinu Superior Siensia no Kultura (MESSK) Longinhos dos Santos hateten, infrastrutura ba konstrusaun IPB nian, ida ne’e mai husi referensia planu estratejiku dezenvolvimentu Nasionál nian.
“Ohin ita halo selebrasaun asina kontratu entre governu atraves liu husi MESSK ho komapaña manán nain ne’ebé mak hetan avaliasaun husi CNA, ne’ebé ohin ita halo kontratu ho faze dahuluk ne’ebé ho nia orsamentu mai husi governu nian”, dehan Ministru MESSK Longinhos dos Santos ba jornalista iha salaun enkontru NESSK Kolmera, Kinta (1/09).
Governante ne’e hatutan, Asina kontratu ba projetu edifisiu foun IPB ho nia totál orsamentu ba faze dahuluk ne’e hamutuk tokon 4.540 mil, maibé komapana mai ho ninia istimasaun 3.9 milloes.
“Ohin selebra ita prepara prosesu tomak para atu halo primeira pedra iha fulan Setembru ne’e nia laran”, governante ne’e informa
Enkuantu projetu ba konstrusaun edifisiu foun IPB Betano nian ida ne’e mai husi referensia planu estratejiku dezenvolvimentu Nasionál nian ne’ebé mak hahu husi Munisípiu haat, hanesan Munisípiu Lautém, Manatutu, Manufahi, no Covalima.
Portanto IPB ita hahú Primeriu iha Manufahi sai hanesan referensia ba projetu institutu politekniku sira seluk ne’ebé mak ohin ita halo selebrasaun kontratu governu ho kompana manán nain ne’ebé mak hetan avaliasaun husi CNA, ne’ebé ohin ita hahú halo kontratu ho faze dahuluk.
Iha fatin hanesan Prezidente IPB hateten, Senti kontente tanba planu ida ne’e, ne’ebé konsagra iha planu estratejiku dezenvolvimentu Nasionál bele realiza ona ohin loron.
“Preparasaun ba oin mak ami sei prepara ba lansamentu primeira pedra nian ne’e ami sei fó sei forma komisaun ida para hare asuntu ne’e”, Hakotu nia. LTS
