Sua Eminênçia Cardeal Dom Virgílio SDB To’o Ona Iha TL  

Naunil Media (Díli), Sua Eminênçia Cardeal Dom Virgílio do Carmo da Silva SDB, hanesan Primeiru Cardeal ba rejiaun Katólika iha Timor-Leste ne’ebé simu investedura iha loron 27 fulan Agostu tinan 2022 iha Roma Vaticano Itália, ohin segunda 5 fulan Setembru fila hikas ona mai Timor-Leste.

Sua Eminensia Cardeal Dom virgílio do Carmo da Silva SDB tun iha aeroportu internasionál Nicolau Lobato ho Aviaun AeroAtlántic husi nasaun Portugal ho Marka CS-TSU iha tuku 7 dader minutu 5, horas Timor-Leste.

Enkuantu Simu ita nia Cardeal Dom virgílio do Carmo da Silva SDB ne’e simu direitamente husi Prezidente Repúblika José Ramos Horta no governante balun,  amu parokia sira, madre sira, akulitus, eskuteirus, estudante ensinu primaria to’o Universidade no sarani sira.

Reprezentante sarani katólika Joõo Fernando hateten, hanesan sarani senti orgullu simu ita nia Cardeal Dom virgílio, tanba ita nia Bibi atan ida  ne’ebé sai hanesan primeiru Cardeal ba relijiaun Katólika iha Timor-Leste. Tanba ne’e ita hanesan sarani tenke mai simu ita nia Bibi atan.

“Ita nia esperansa hanesan sarani ba iha futuru fó Cardeal ne’ebé mak iha hakarak atu hametin liu tan unidade no paz ba iha sarani Timor tomak”, Dehan  João

Tanba ne’e prezensa Cardeal ninian ita hakarak husu para bele hametin fiar sarani nian hanesan sarani Katólika. LTS