Komunidade Samelaun husu Autoridade Bobonaru Reativa Fali Merkadu Maumali
Naunil Media (Maliana), Komunidade Suku Ritabou Aldeia Samelaun Postu Administrativu Maliana, husu ba Autoridade Munisípaiu Bobonaru atu reativa hikas merkadu Maumali.
Komunidade Aldeia Samelaun Armindo Maia husu ba Prezidente Autoridade Bobonaru Atu normaliza hikas Merkadu Maumali hodi sira bele fa’an sira nia Produtu.
“Ami husu bo’ot sira atu loke fali merkadu ne’e para ami bele hodi ami nia sasan hanesan Modo tahan,Lakeru, no produtu lokal sira ba fa’an bele hetan netik osan ituan hodi selu oan sira nia Skola “, dehan Komunidade Armindo iha Sede Suku Ritabou ba Naunil Media foin lalais ne’e.
Nia hatutan, Relasiona ho kazu omesidu ne’ebé mak akontese iha 12/06/20 mak to’o ohin loron merkadu ne’e abandona, ho kazu ne’e komunidade sira tauk la ba halo negosiu iha merkadu refere.
“Ami fa’an tia iha merkadu ne’e mosu fali kazu baku malu no ita nia Alin Custodi nia mate ne’e, mak ami mós tauk la ba fa’an iha merkadu ne’e ami husu ba PNTL ho Autoridade sira atu Rezolve tia Problema ne’e”, Armindo Esplika.
Iha Fatin Hanesan Xefe Aldei Samelaun Carlito Balbino mós husu ba Autoridade Munisipal iha tempu badak reativa hikas fali merkadu Maumali hodi nia komunidade sira bele ba halo fali sira nia negosiu.
“Halo ona inkontru ho Administrador,komandate polísia no MTCI, sira dehan iha tempu badak sei Reativa hikas maibe ate agora seidauk”.dehan Autoridade Lokal ne’e”, tenik nia.
Autoridade lokal ne’e rekomenda ba PNTL Bobonaru atu tau Postu Polísia no instala mós CCTV iha merkadu refere hodi bele evita tia problema.
“Husu ba Komandante Policia atu tau pos polisi iha neba para lalika mosu tan proble tau mos CCTV lae ita hare ita nia alin joven sira ba Namora malu fali iha Merkadu ne’e”,Nia Rekomenda.
Media Naunil.com tenta ba konfirma ho Prezidente Autoridade Bobonaro, maibé nia parte la fó informasaun tan Okupadu ho servisu. Gyor
