FEATUREDGeralIkus LiuNews

Tinan-20 TL Independensia Problema Nafatin Husi Joven Milenial

Fahe Tutan

Naunil Media (Díli), Estudante Universidade Dili (UNDIL) Octavio Luis hateten, Timor-Leste (TL) hetan nia restaurasaun independensia tinan-20 ona, maibé problema nafatin husi joven milenial sira no oinsá mak solusiona problema hirak ne’e mak tenke indetifika situasaun, kondisaun nune’e labele jeneraliza.

“Maibé dadaun ne’e iha ona 20 anos ba restaurasaun independensia Timor-Leste nian, maibé eziste nafatin problema husi joven milenial sira, entaun tanba saida? Ida ne’e ita bele hateten katak ida ne’e problema! Tambasa saida? Entaun oinsá mak ita bele solusiona problema hirak ne’e, Primeiru ita tenke identifika situasaun no kondisaun ita labele jeneraliza,” dehan Octavio Luis ba Naunil Media via Whatsapp, foin lalais ne’e.

Ativista estudante  ne’e hatutan, problema ne’ebé maka dadaun ne’e sai polemikadu iha rai laran, no problema ne’e lá’os akontese de’it iha horseik, hodibainrua no problema ne’e akontese hanesan uluk problema nafatin eziste mak diferente iha situasaun no kondisaun hodi hamosu problema ida.

“Dadaun ne’e problema akontese liuliu problema ne’ebé ita hotu akompaña depois kazu droga ne’e remata, hamosu tan problema ida ne’ebé mak atrai opiniaun públiku atrai institusaun hotu-hotu hodi hamrik kestiona mak prolema joven ida deskonfia tara aan iha  sela detensaun PNTL Caikoli,” katak nia.

Nia hateten maibé prosesu hirak ne’e la’o ona tuir padraun judisiaria nian ka tuir ona lei ne’ebé mak konsagra iha estadu ne’e rasik, maibé bele hateten katak iha problema ne’e rasik mós iha nia andamentu mak too iha dia 5 Setembru, ne’ebé mak iha tan kofrontasaun ida husi joven sira ne’ebé mak baku ajente forsa ida ikus rezulta Forsa ne’e hetan kanek iha ulun.

Nia esplika, Problema hirak ne’e akontese tanba, povu rasik seidauk konsiente oinsá bele rezolve problema individu, entaun bele hateten katak labele fo sala nafatin mak joven iha estadu ida ne’e nia matan.

Nia dehan, Timor-Leste presiza hadia sistema ne’ebé mak dadaun ne’e implementa, tanba pasadu ne’ebé mak akontese problema hanesan Indonézia, hanesan Portugés ukun mós akontese problema tanba sistema ne’e mak halo hamosu problema, entaun dadaun hetan tiha Independensia mós nafatin eziste problema tanba buat ida sistema. *Jos

Leave a Reply

Your email address will not be published. Required fields are marked *