Deolindo : Sai Membru CCF hametin Ideolojia Kaer Rasik Kuda Talin 
Naunil Media (Díli), Deolindo Maubere Da Costa hanesan Bobonaro oan orgullu sai membru foun Komite Sentral FRETELIN (CCF-Sigla Portugues), sai CCF hanesan responsabilidade ida hodi hametin ideolojia no kaer rasik kuda talin iha baze.
Deolindo Maubere Da Costa husi Munisipiu Bobonaro Postu Administrativu Lolotoe, Tuir nia katak Durante ne’e husi militantes no delegadus iha lolotoe sira nia ejijensia hakarak lolotoe oan ida tenki sai membru CCF tanba lolotoe mos hanesan baze ida ba Frente Revolusionariu Timoreste Independente (FRETELIN).
No iha Domingo loron 11 setembru rezultadu husi kongresu nasional FRETELIN ba dala lima konsege hili kandidatu potensial nain ida husi Lolotoe munisipiu Bobonaro sai membru CCF.
“Nu’udar Lolotoe ne’e laos ha’u nia ejensia maibe husi militantes no delegadus sira mak rekomenda atu ha’u reprezenta lolotoe mai iha membru CCF hosi sira bele tranferes informasaun ruma kona ba politika no movimentu FRETELIN iha Lolotoe mai iha CCF Simu Kuda Talin ida husi CCF hodi hametin Ideolojia Kaer Rasik Kuda Talin Iha baze”. Dehan nia Ba Jornalista iha Ministeriu Administrasaun Estatál (MAE) Kolmera, Segunda
Nia haktuir hanesan Bobonaro oan hau simu kuda Talin husi CCF atu haburas ideologia kaer rasik kuda Talin ne’e.
“Ba ha’u pesoal hanesan Bobonaro kuda ulun oan ne’e hanesan kuda talin ida atu fila fali ba baze hodi kontinua ideolojia ida katak kaer rasik kuda talin nee no plano prioridade ba futuru oinsa mak ami mobiliza forsa iha baze hodi bele prepara ba eleisaun boot tinan oin 2023”,Tenik nian.
Enkuantuir orientasaun depois de sira simu pose sira sei iha reuniaun primeiru membru CCF depois de reuniaun mak iha orientasaun atu membru sira halao servisu iha baze.
Entretantu Serimónia Posse ba membru Comitê Central FRETILIN 2022-2027 iha Sentru Konvensoens Dili, Domingo11 Setembru 2022 nain 100 hamutuk ho membro CCF segundo Jerasaun Lere Anan Timur, simu posse husi Prezidente partidu FRETILIN Francisco Guterres Lú-Olo
Iha serimonia Posse, Prezidente partidu fo hanoin ba membru CCF atu hahu ona servisu maka’as hodi lori vitoria ba FRETILIN, atu Nune’e manan iha eleisaun parlamentar, no kaer ukun hodi lori Naroman ba povu. LTS
