FEATUREDIkus LiuNewsSaude

Ema Hamutuk 1704 Pozitivu Virus HIV-SIDA

Fahe Tutan

Naunil Media (Díli), Institutu Nasionál kombate HIV-SIDA (INKHS) rezista virus hahú husi fulan Marsu tinan 2022 to’o agora hamutuk ema na’in 1704 mak hetan pozitivu ba moras HIV-SIDA.

Prezidente INKHS Atanazio de Jesus hateten, Tinan 2040 ou 2060 oin mai sidade Díli nakonu ho virus HIV, tanba kada kuarter sa’e kuaze ema na’in 80 ou 100 mak infetadu virus HIV.

 “Iha fulan Marsu liu ba ita foin iha 1582, agora ita sae ba 1704, depois virus hirak ne’e sa’e maka’as iha Díli”, dehan prezidente INKHS ba jornalista hafoin realiza workshop kombate HIV-SIDA iha salaun Luz Clarita,  Kuarta (14/09).

Prezidente INKHS hatutan, Iha kuarter kotuk ita iha Díli foin mak 1195, agora mai iha fulan Junu sae ba 1278, kuaze ema na’in 80 ba leten ita sa’e iha fulan tolu ne’e nia laran.

Enkuantu objetivu ida ohin komisaun instutu nasionál kombate sira konvida autoridade lokál sira, hahú husi autoridade aldeia, sefe suku, lia na’in sira, sefe postu, no prezidente autorida munisípiu hodi diskute ituan kona-ba lalaok virus ne’ebé da’et maka’as iha kapitál Díli.

“Diskusaun ida ohin ita ko’alia klean liu kona-ba rezisténsia ema estranjeiru sira tama mai iha ita nia nasaun ne’ebé hala’o aktividades ilegal ruma, liu-liu tama iha atividades prostituisaun, tanba dala barak ita nia ema sira ne’e iha parte imigrasaun pasa ravista deit mak nia dokumentu, maibé la cek ema nia kondisaun ne’e”, nia esplika.

Nia hsteten, dehan vistu traballu ou vistu turista maibé mai fali iha ne’e dala ruma sira halo fali atividade sexual ne’ebé halo fali iha hoteis no kos sira. Entaun ita konvida autoridade sira ne’e atu haruka sira ida-idak kontrolu sira nia hoteis ho kos sira ne’ebé mak iha sira nia aldeia iha ne’ebé ema utiliza ba fatin prostituisaun, nia hakotu. LTS

Leave a Reply

Your email address will not be published. Required fields are marked *