FEATUREDIkus LiuNewsPolitika

Emprezáriu Balun Husu Prejetu Ba MOP 

Fahe Tutan

Naunil Media (Díli), Ministru Obras Públikas (MOP), Abel Pires, hateten hafoin simu pasta núdar ministru, identifika ona iha emprezáriu balun husu de’it atu fó projetu.

“Iha ema barak mak lori mai, no sira mai ko’alia ho ami, maibé ha’u esplika ba sira prosesu ne’e, tanba ida ne’e Lei mak haruka atu prosesu tender iha mak projetu ne’e bele la’o”, dehan Ministru Obras Públika, Abel Pires, iha Parlamentu Nasionál, Kinta (15/09).

Nia haktuir, tanba durante ne’e kompañia balun la tuir tenderizasaun no la iha kontratu legál ruma, maibé sira halo de’it projetu no depois balun para de’it iha dalan klaran maibé husu Governu atu selu.

“Ba sira kuandu laiha baze legál ruma ka laiha kontratu di’ak liu lalika halo servisu lai, tanba ne’e difikulta ba Governu atu selu”, apela Governante ne’e.

Membru Governu ne’e husu emprezáriu sira maski iha kapasidade no iha intensaun ajuda halo dezenvolvimentu ba rai ida ne’e maibé tenke tuir nia regras no tuir lai prosesu tenderizasau.

“Labele ba haree estrada no halo Ponte sira, sira ba halo uluk ona mak governu atu selebra fali kontratu tuir ne’e labele tanba difikulta Governu atu selu”, afirma ministru ne’e.

Projetu barak hamutuk 143 to’o agora Governu seidauk bele selu tanba, probelema barak laiha kontratu maske projetu fizika halo ona. Ana

Leave a Reply

Your email address will not be published. Required fields are marked *