DesportuFEATUREDIkus LiuNews

MESSK Ofisialmente Abertura Tasa Ensinu Superior CUP

Fahe Tutan

Naunil Media (Díli), Reprezentante Ministru Ensinu Superior Siensia no Kultura, (MESSK), Diretora Jerál MESSK Maria Filomena Lay, Ofisiál loke abertura ba tasa ensinu superior CUP,  iha ambitu loron nasionál ensinu superior nian  ba da-lima iha kampu institutu superior cristal (ISC)

“Realizasaun jogu ida ne’e iha nia relasaun ho selebrasaun loron bo’ot ida ne’ebé MESSK tinan-tinan selebra iha loron 17 fulan Novembru ne’e, hanesan loron nasionál ensinu superior nian, maibé durante ambitu ida ne’e Ministeiriu ensinu superior kordena ou servisu  hamutuk ho instituisaun 18”,  dehan DJ MESSK ba jornalista hafoin  loke abertura tasa ensinu superior CUP iha kampu ISC, kinta (15/09).

DJ MESSK hatutan, Objetivu jogu ida ne’e mak sai hanesan enkontru ba estudante sira atu nune’e ita bele kria amizade entre instituisaun universidade ida-idak.

“Tinan kotuk ne’e ami hala’o de’it iha sekretáriu estadu juventude no desportu (SEJD) nia kampu, maibé ba tinan ida ne’e hakarak hadia liu tan ita nia kriasaun amizade”, Dehan nia.

Enkuantu atividade ida ne’e mós iha ambitu ida katak, diresaun nasionál ensinu superior munisipal, liu-liu ba iha atividade ida ne’ebé fó apoiu ba atividade destri kurikular.

Partisipasaun ba jogu ida ne’e partisipa husi instituisaun univetariu 18, maibé tanba distansia institutu politekniku Betano (IPB) ho instutu formasaun professorres Baukau mak la partisipa.

Iha fatin hanesan Magnifiku Reitor Institutu Superior Cristal Sebastião Pereira informa, Ohin halo abertura ofisial ba atividade Ensinu Superior Cup ne’ebe mai halao atividade iha Instituisaun Edukativa Fundasaun Kristal ba volleyball husi instituisaun Ensinu Superior sira akreditadu iha TL. 

Ministériu Ensinu Superior halao Atividade ne’e foin dahuluk mai iha IEC-FC ami kontente hodi uza ami nia kampo desportiva Cristal nian.

“Atividade ne’e lao hodi komemora loron mundial Ensinu Superior nian ne’ebe organiza husi MESSK ba Universidade hotu-hotu hodi partisipa atu halao dezenvolvimentu iha siensia no atividade sira seluk ne’ebe relasaun ho Desportu nian”, katak Reitor ISC  

 Reitor ne’e hateten, Atividade ne’e ba Universidade Akrefitadu neebe lokaliza iha Dili hamutuk 16 Universidade rua mak la partisipa maibe loron ida sei partisipa. Primeiru sira mai halo abertura iha IEC-FC ne’e tanba iha pro kontra entre Universidade sira.

Ba Unversitariu sira liu-liu instituisaun Ensinu Superior sira ne’ebe liu-liuba estudante sira ne’ebe partisipa ba atividade importante ida ne’e katak atividade desportiva mak halo ita sai Unidade ita nia relasaun entre Universidade sira ho instituisaun seluk.

“Ita joga desportiva halo ita nia relasaun entre ita nia komunikasaun di’ak atu prevene buat sira ne’ebé mak at agora lao iha ita nia rain,  desportiva ita nia amizade no ita nia relasaun mos sei di’ak liu tan no forma unidade sai ida de’it atu ita bele halo kompetisaun ida di’ak liu”,  Nia hakotu.  LTS

Leave a Reply

Your email address will not be published. Required fields are marked *