Suku Ida Hetan UKL 10 Iha TL, Ho Total Orsamentu 71 Millaun
Naunil Media (Díli), Vise Ministru Administrasaun Estatal (V-MAE), Lino de Jesus Torrezão hateten, Konstrusaun uma kbiit laek (UKL) regular ba tinan 2022, kada suku ida hetan uma 10 iha territóriu nasionál ho orsamnetu hamutuk millaun 71.
“Orsamentu ratifikativu 25 millaun ne’e ba Uma Kbit Laek (UKL) plus A no B, ho orsamentu ba UKL regular ne’e 71 millaun, ne’ebé agora kontrusaun UKL sira ne’e lao namanas hela”, dehan Vise-Ministru Administrasaun Estatal Lino de Jesus Torrezão ba jornalista sira hafoin workshop iha salaun Luz Clarita, kuarta (14/09).
Hatutan, Uluk iha uma UKL ida de’it maibe agora iha tipu rua, hanesan uma UKL regular no plus, uluk iha tinan 2021 hahú konstrusaun UKL iha suku ida tau uma tolu (3).
“Tanba ne’e, Tuir fila-fali mai 2022 orsamentu jeral estadu (OJE), tau uma sanulu (10) suku ida, maibé ida ne’e injustisa tanba suku balun iha aldeia 2 de’it hetan fali UKL sanulu, no suku balun iha aldeia 20 resin barak hetan sanulu hotu”, katak nia.
Ami kria ona manual ida atu nune’e tuir aldeia sira iha suku oinsa iha justu, dehan nia.
UKL regular ne’e fó ba ema ne’ebé kbiit laek duni ne’ebé iha rai rasik no iha oan no UKL plus ne’e ba komunidade sira ne’ebé iha uma ona, maibé seidauk nahe simenti no hada blok no sei taka ho duut sira, ne’ebé iha oportunidade atu hetan, nia haktuir.
Enkuantu UKL plus ne’e, iha A no B, UKL plus A ne’e kondisaun ladi’ak halo rahun harii uma foun no UKL plus B ne’e haree kondisaun uma kalen mak feruzin ona no uma laran seidauk nahe simenti fó material pois tekniku PNDS sira mak ba harii laos uma nain.
Uma UKL ne’ebé entrega ona hamutuk 1254 iha 2021 nian, tanba balun susar estrada susar atu transporta material susar tebes ne’ebé balun foin halo kontrusaun filá fali, dehan nia.
Aleinde ne’e uma UKL regular nia porsentu %90 ona, no konstrusaun uma UKL iha suku ida tau uma tolu iha tinan 2021 ho nia orsamentu 25 millaun, nia hakotu. Ana
