Antes Ba Nova Yorke PR Horta Rona Ideia PM Taur
Naunil Media (Díli), Antes ba Nova Yorke Prezidente Repúblika (PR), José Ramos Horta rona ideia hosi Primeiru Ministru (PM),Taur Matan Ruak iha ne’ebé assuntu nasionál hanesan report ida ba kualidade internasionál no situasaun iha Timor-Leste (TL).
“Ha’u konsulta ho Primeiru Ministru no Ministeriu Negosiu Estranjeiru, asuntu ne’ebé primeiru liu mak asuntu nasionál hanesan halo report ida ba kualidade internasional no situasaun iha Timor-Leste ne’ebé ho pozitivu tebes, tanba draf ne’ebé ha’u hakerek ne’e ko’alia kona-ba maneira Timor-Leste infrenta ho efikasia prevensaun Covid-19.Tanba konsege kontrola Covid-19 ho jestaun diak maske iha momentu ne’ebá la iha ema ida iha esperiensia no mós komunidade internasional mós la iha espriensia,” dehan Xefe Estadu ba Jornalista sira hafoin remata enkontru ho Xefe Governu iha Rezidensia Farol, Segunda (19/09).
Prezidente Repúblika hatutan mak husu atu enkontru ho Primeiru Ministru (PM), tanba tempu badak sei aranka ba Nova Yorke atu partisipa iha enkontru iha Asembleia Jerál ONU, ho nune’e mak Xefe Estadu hakarak rona preokupasaun governu nian, nune’e wainhira deskursu iha asembleia Jerál nian bele hato’o.
Nia dehan, Dadaun ne’e PR prepara ona deskursu estadu nian wainhira prontu ona sei haruka ba PM hodi haree tanba deskursu iha asembleia ONU ne’e sei reprezenta estadu Timor-Leste.
Horta hateten iha enkontru ne’e Primeiru Ministru Taur Matan Ruak mós fo liberdade totál ba Prezidenti Republika atu ko’alia iha asembleia jerál ONU.
Nune’e mós susesu seluk ne’ebé Timor-Leste atinje iha situasaun Covid mak medida ne’ebé parte ezekutivu aplika atu proteje sidadaun sira husi virus lao diak tebes tanba konsege redus impaktu ba ema kiak sira, nia hakotu. *Jos
