Treinadór Na’in 13 Hetan Formasaun Hosi KOICA
Naunil Media (Díli), Diretór Jerál Sekretáriu Estadu Joventude Desportu (SEJD), David Tomas de Deus informa, treinadór na’in 10 ne’ebé mak hetan formasaun hosi Korea International Cooperation Agency (KOICA) nune’e sira bele hetan koñesimentu iha área desportu nian.
“Treinadór sira hamutuk na’in sanul resin tolu (13), ne’ebe hetan selesaun husi koika no intensaun husi formasaun ida ne’e atu treunu ita nia formadór hodi koñesementu ne’ebé iha hodi apou Federasaun hosi Governu no dezenvolvimentu desportiva juvenil”, dehan Diretór Jerál (SEJD) David Tomas de Deus iha Salaun Luz Clarita, Segunda (19/09).
Nia hatutan, Programa formasaun ba Treinadór sira Governu servisu hamutuk ho KOICA no importante tebes prepara rekursu umanus kapasita mos treinador sira iha área desportu juvenil.
Iha fatin hanesan Feild Manager KOICA Minyoung Lee, Treinamentu ba Treinadór sira ba dala rua no hare ba Timoroan iha vontande joga bola, maibé menus treinadór no treinadór sira mós tenke iha kapasidade para bele trasforma timoroan sira sai Jogadór ne’ebé kualidade.
“Treinamentu ho ida ne’e ba dala rua, dala uluk ami hahú tia iha fulan Maiu, ba dala rua hahú agora no treinamentu ne’e ba loron 6 hahú iha segunda to’o Sexta,ami haree timoroan barak mak gosta tebe bola maibe laiha ema ida atu trenu sira, no treinadór sira mós tenke aprende baut barak, laos ba tebe bola de’it tenke hatene buat hotu”, Nia Akresenta.
Treinamentu ba treinadór iha área 9, mak hanesan, prinsipiu trenamentu, kooperasaun no direitu ba labarik nian, protesaun no salva guarda labarik, teória ba joven, nutrisaun, konsolidasaun ekipa no komunikasaun, igualidade jéneru. Gyor
