KM Aprova Dekretu Lei Kriasaun Institutu Nasionál Saúde Públiku
Naunil Media (Díli), Ministru Prezidensi Konsellu Ministru Konsellu Ministrus (MPCM sigla portugés) Fideliz Manuel Leita Magalhães informa, Ohin Konsellu Ministru aprova ona projetu Dekretu-Lei, ne’ebé aprezenta husi Ministra Saúde (MS) Odete Maria Freitas Belo, relasiona ho kriasaun Institutu Nasionál Saúde Públika Timor-Leste nian (INSP-TL).
“Kriasaun INSP-TL ne’e ho objetivu atu tau hamutuk iha institutu úniku atribuisaun sira atu monitoriza, avalia no halo análize iha estadu jerál saúde nian, hodi kolabora iha vijilánsia epidemiolójika no sanitária, investigasaun sientífika no kontrolu risku no ameasa sira ba saúde públika ba dezenvolvimentu no formasaun rekursu umanus, peskiza no inkorporasaun teknolójika iha saúde públika, nune’e mós kontrolu kualidade iha área saúde determinada”, dehan MPCM Fidélis Manuel Leite Magalhães ba jornalista sira iha Palásiu Governu, kuarta (21/09).
Nia hatutan, Iha ámbitu atribuisaun hirak ne’e ho kooperasaun/rede ho institutu hanesan iha país sira seluk, ho hakarak atu kria organizasaun ida ho baze sientífika ida ne’ebé forte ne’ebé fó lideransa no esperiénsia ba esforsu halo ona.
Iha nivel nasionál atu alkansa melloria substansiál sira no tempu naruk ba saúde públika, no afirma an nu’udár fonte fiavel ba akonsellamentu hodi formula no foti desizaun husi responsavel polítiku sirania hakotu. Ana
