FEATUREDIkus LiuNewsPolitika

PR Horta-PM Portugál Ko’alia Adezaun TL Ba ASEAN

Fahe Tutan

Naunil Media (Nova Iorke), Prezidente Repúblika (PR) José Ramos Horta ho Primeiru Ministru (PM) Portugál António Costa ko’alia kona-bá adezaun Timor-Leste TL ba Association of Southeast Asian Nations (ASEAN), ne’ebé reprezenta oportunidade bo’ot ba empreza Portugeza sira.

“To’o iha Amérika, Prezidente hasoru malu ho Primeiru Ministru Portugal António Costa hodi ko’alia kona ba adezaun Timor-Leste ba ASEAN, ne’ebé reprezenta oportunidade bo’ot ba empreza portugueza sira, iha àrea farmaseútika, ekipamentu mediku, industria kalen, sapatu no seluk tan, inklui kriasaun armajen iha Timor-Leste, hodi atende merkadu internasional ho habitante millaun 700 ne’ebé iha kapasidade kompra a’as,” dehan liu husi Komunikadu ne’ebé Naunil Média asesu iha palásiu Prezidensiál Nicolau Lobato Bairru Pite, Sexta, (23/09).

Komunikadu ne’e hatutan iha parte lorokraik, Prezidente Repúblika simu Konsileiru Departamentu Estadu Unidus Amérika, Derek Chollet no altu funsionariu sira seluk husi Departamentu Estadu.  Enkontru ne’e foka liu ba preokupasaun global kona-ba situasaun trájika no inadmissível ne’ebe heto’ok a’at liu tan iha Mianmar. Komunidade Internasional, inklui jornalista sira sente distraida ho funu iha Ukrania no populasaun ne’ebé abandonada iha Mianmar.

Prezidente no Kayrala Xanana Gusmão dadaun iha Nova Iorke. Ohin sira hasoru malu hodi ko’alia kona-bá situasau global, inkapasidade Sistema multilateral hodi atende dezafiu sira no ninia impaktu ba estadu frajil no nasaun seluk. Aban dader (23/09) Prezidente Repúblika sei halo diskurssu iha Assembleia Jerál ONU. *Jos

Leave a Reply

Your email address will not be published. Required fields are marked *