Manetelu Lidera Meza Hodi Diskuti Polemika Liga Fotebol TL 2022

Fahe Tutan

 Naunil Media (Díli), Prezidente Asembleia Jerál Liga Futebol Timor-Leste (V-PLFTL) Miguel Manetelu  hala’o enkontru eztra ordianariu ho membru LFTL sira hodi diskute kona-bá polemika liga Futebol Timor-Leste  tinan 2022 ne’ebé la lao.

 “Meza asembleia jeral hare ba sirkuntasial Sira hotu, Ami sei konvoka fali enkontru Ida atu halo enkontru konsultativo ho orgaun sira iha LFTL nian hodi rona opiniaun sira tuir estatu hotu depois liu husi reuniaun ida ne’e mak meza asembleia bele foti desizaun ba liga  ne’e rasik no mós ba rejignasaun prezidente LFTL  Nilton Gusmao nian”, dehan PAJLFTL Miguel Manetelu ba jornalista sira iha salaun LFTL foin lalais ne’e.

Nia hatutan,  Parte haree ona karta rejignasaun husi prezidente Liga Futebol Timor-Leste, husi prezidente asembleia mós bele deside katak sei marka enkontru extra ordinariu, dala ida tan nune’e iha posibilidade atu hili prezidente foun ida hodi responsabilidade fali liga Futebol Timor-Leste nian tuir estatu ne’ebé iha.

 Lei ne’ebe kiik liu atu regulariza funsionamentu iha liga Futebol Timor-Leste ne’e mak estatutu LFTL, husi meza asembleia jerál ne’e haree tiha ona estatu ne’e katak se karta rejignasaun nee iha ona, entaun asembleia jerál bele ko’alia ona no mós bele foti desijaun tuir prosedimentu estatutu ne’ebé iha rejignasaun prezidente liga Futebol Timor-Leste nian, dehan Mane telu .

Estatu fó dalan posibidade vise prezidente interinamente bele asumi temporariamente knar nu’udar prezidente LFTL hodi lidera jogu durante fulan tolu depois meza asembleia jerál marka enkontru extra ordinariu mak hafoin bele hili prezidente komsellu permanente ba liga Futebol Timor-Leste nian, nia informa.

Iha estatu mós dehan katak prezidente se LFTL mak rejigna an, entaun segundu vise ba asumi fali knaar ne’e depois loron sia nulu, asembleia halo enkontru extra ordianariu ida  mak foin bele hili fali prezidente komsellu permanente nian, hakotu nia. Aba

Leave a Reply

Your email address will not be published.