FEATUREDGeralIkus LiuNews

Estudante Octavio: Husu Governu Presiza Tau Atensaun Ba Riku Soin iha Tasi TL

Fahe Tutan

Naunil Media (Díli), Estudante hosi Universidade de Díli (UNDIL) Octavio Luis husu ba governu Timor-Leste presiza tau atensaun ba riku soin  iha Tasi Timor-Leste.

“Timor-Leste hanesan estadu ida ne’ebé kosteira iha Sudeste Asiátiku, husi parte sul ninian ita vizino ho Autrália no husi parte norte ita vizino ho Indonésia. Timor-Leste iha nia tasi ne’ebé nakonu ho rikusoin tasi ninian, maibé até agora ita rasik la desemvolve ho di’ak atu bele garante ba kofre estadu ninian, to’o ikus gerasaun Timor nian sei mout ho fundu petrolífero”, dehan estudante Octavio ba Naunil Media via whatsapp segunda, (26/09).

Estudante ne’e hatutan, Kada tinan ita nia Governu aprova Orsamentu Jerál  Estadu (OGE), bazeia ba diskrisaun ne’ebÉ iha, ho persentaJen ne’ebé bo’ot maka setór produtividade kompara ho setór sira seluk, hanesan inklusaun sosiál, boa governasaun, desemvolvimentu kapital humano, funsionamentu ba makina do estadu, desemvolvimentu ba setór privadu, nst.

Agora, iha ita nia tasi ne’ebé luan liu karik ita halo komparasaun ho rai maran. No ita nia nasaun ne’e kategoriza ba Lei Unclos 1982 iha tinan 2002, ne’ebé maka ita nia makaer ukun sira hamosu tan lei no. 7/ 2002 ne’ebé aprova iha loron 23 fulan Juñu tinan 2002, no promulga iha  loron 24 fulan Agusto iha tinan ne’ebé hanesan, ne’ebe mai ho objetivu atu halo kontrolu ba tasi Timor, nia haktuir.

 No iha lei ne’e rasik mós, hateten ona iha artigu lima (5) katak, ita konsidera tasi teritorial maka ho medidas 12 milas nautikas no zona tambahan mós 12 milas nautikas, no sistema ne’ebé utiliza ba tasi, entre nasaun Timor ho nasaun Autrália maka ho median line hodi difini teritoriu nasionál ida-idak nian, nia hakotu. Lop

Leave a Reply

Your email address will not be published. Required fields are marked *