Família Na’in 13 Iha Maubara Lissa, Postu Maubara Halibur Osan Hamutuk $ 600 Bele Debe
Naunil Media (Maubara), Komunidade uma-kain na’in 13 iha Aldeia Vatugili, Suku Maubara Lissa, Postu Maubara, Munisípiu Liquiçá, halibur ona osan hamutuk $600
Tuir Prezidente ba grupu Remanja Angelino Exposto informa, Família uma-kain na’in 13 forma grupu kikuan ida hodi rai osan kada semana hatama osan tuir ida idak nia kbiit, osan hamutuk $600, bele fó ema deve.
“Inisiativa hosi família na’in 13 ho kbiit naton hodi halibur grupu ida naran Remanja, hodi rai osan tuir ida idak nia kbiit, nune’e osan labele gasta tun sae, osan ne’ebé mak durante ne’e halibur total $600, ema ruma presiza deve ami apoiu”, Dehan xefe grupu Angelino Expostu ba Naunil Media bainhira halibur hela osan foin lalais ne’e.
Nia hatutan, Objetivu rai osan ne’e mai hosi familía idadak nia inisiativa, nune’e bele ajuda malu hodi sustensa nesesidade uma laran, no mós bele fó ba ema ruma deve presiza funan tuir montante osan ne’ebé mak iha.
Nia haktuir, Kada semana ida hatama osan tuir ema ida idak nia kbiit, la iha obrigasaun tanba grupu ne’e mai ho inisiativa rasik.
Ita osan iha mak ita la rai osan sira ne’e ita gasta tun sae, di’ak liu rai iha grupu nune’e bele soporta malu hodi hakbiit família ruma, bainhira presiza tulun, dehan nian.
Ema ruma presiza deve karik ami apoiu, maibé tenke iha akordu bainhira foti osan hosi grupu ne’e, nia hakotu. Lop
