CEPAD La Konkorda Funsionariu Hetan Subsidiu $200
Naunil Media (Díli), Diretór Ezekutivu Centru Estudus da Paz no Dezenvolvimentu (CEPAD) João Boavida nia parte la konkorda funsionariu públiku hetan subsidiu $200 husi governu.
“Subsidiu ne’e komunidade sira ne’ebé la hetan salariu tersearia, ha’u hanoin ba fusionariu sira ne’ebé mak hetn ona salariu tersearia ne’e la merese ona atu hetan tan subsidi ne’e, sei hetan hotu ne’e ha’u hanoin lalos “, dehan Diretór CEPAD João Boavida iha Muzeum Rezistensia, kuarta (28/9).
Diretór hatutan, Dekretu lei ba subsidiu $200 ne’e nia parte konsidera la’os universal no subsidu ba komunidade sira ne’ebé laiha kbiit,la hetan salariu Fulan-fulan laiha rendementu mak merese hetan subsidiu iha tinan ikus nian iha fulan Dezembru.
“Ha’u hanoin Ministeiriu Relevante sira tenke haree didi’ak dekretu lei ne’e, lalika ema balun simu dobel ne’e hamosu injustisa sosiál iha sosiadade nia laran, subsidiu ne’e fó ba ema sira ne’ebé laiha rendementu no sira ne’ebé presiza hodi halo festa Natal, tanba dekretu lei ne’e ha’u nia komprende ba ema kbiit laek”, preokupa Diretór
Subsidiu $ 200 husi Oitavu Governo Konstiuisianal hanesan Medida salariu fulan ikus nian, no hetan votus maioria husi Parlametu Nasionál no promulga husi Eis Prezidente Fransico Guterres “Lu-Olo”. Gyor
