FEATUREDGeralIkus LiuNews

Estudante Agustino: Husu Governu Kria Kondisaun Ba Vendedor Eis Merkadu Comoro

Fahe Tutan

Naunil media (Díli), Estudante hosi Universidade de Díli (UNDIL) Agustini Manuel hateten, Husu governu tenke kria kondisaun di’ak ba vendedor eis merkadu Comoro nune’e sir abele hetan fatin dignu hodi faan sira nia sasan.

Atualmente akontese iha merkadu Comoro ne’ebé atu muda negosiante sira ba iha merkadu Manleuana, maibé komunidade sira faan nafatin iha eis merkadu Comoro mak sai kestaun bo’ot ida ba ita hotu hanesan sidadun hodi halo estudu kompartivu ba situasaun ida ne’e, tanba saida mak estadu sobu ona sira nia fatin, maibé sira nafatin faan iha ne’eba. Husu guvernu tenke kria kondisaun di’ak ba sira nune’e sir abele htan fatin dignu hodi fila liman”, dehan Agustino ba Naunil Media via What Sapp, kinta (29/09).

Nia hatutan, Husi ne’e mak ita hanaran akontesimentu ne’e hanesan despezu administrativu ida hasoru ita nia komunidade sira, ne’ebé faan sasan iha merkadu Comoro.

Ita akompaiña katak elit sira haree liu oinsa mak sidade ne’e mós no furak para ema liur mai karik bele gaba ita, maibé sira nunka haree ba komunidade nia problema hanesan “bele hetan osan galae, bele han galae, kondisaun di’ak hodi sira bele faan galae, no bele moris hakmatek iha estadu, ida ne’ebé ita hanaran RDTL ne’e ka lae, nia preokupa.

Bainhira sira fó prioridade liu ba sidade nia furak mak mai hau atu dehan katak sira ladauk absorve didiak valor umanidade no dalaruma sira ladauk komprende didiak saida mak ita nia konstituisaun RDTL artigu 1 numeru 1 nia rohan hateten katak “harii husi povu nia hakarak no iha respeitu ba dignidade ema moris ida-idak nian, nia haktuir.

Triste tanba ita nia estadu la haree ba komunidade sira ne’ebé faan sasan iha eis merkadu ne’e nia problema, maibé sira haree liu saida mak eskrita ona liu husi resolusaun ka lei hodi lao tuir no ema hanaran “positivismu de direitu” no resolusaun  ka lei ona sira ne’e aprova hodi sai evidensia ida ke forte hodi hamete komunidade nia kritiku para muda komunidade ka sidadaun sira iha merkadu Comoro husi fatin ida ba fatin seluk, nia hakotu. Lop

Leave a Reply

Your email address will not be published. Required fields are marked *