𝐒𝐄𝐊𝐎𝐌𝐒 H𝐮𝐬𝐮 E𝐬𝐭𝐮𝐝𝐚𝐧𝐭𝐞 S𝐞𝐤𝐮𝐧𝐝𝐚́𝐫𝐢𝐚 “𝐊𝐚yR𝐚𝐥𝐚” K𝐨𝐧𝐭𝐫𝐢𝐛𝐮𝐢 K𝐨𝐦𝐛𝐚𝐭𝐞 𝐇𝐎𝐀𝐗 𝐧𝐨 P𝐫𝐨𝐦𝐨𝐯𝐞 I𝐧𝐭𝐞𝐫𝐧𝐞𝐭 S𝐚𝐮́𝐝𝐚𝐯𝐞𝐥

Naunil Media (Manatuto), Sekretáriu Estadu ba Komunikasaun Sosiál, Merício Juvinal dos Reis “AKARA”, hato’o afirmasaun hirak ne’e, bainhira sai oradór ba iha Kampaña Nasionál Kombate HOAX no Promove Internet Saúdavel liu husi “Sensibilizasaun Literasia Dijitál” ba Eskola Sekundáriu Jerál Sekundáriu Jerál “Kayrala”, sexta-feira, loron 30 fulan-Stembru, tinan-2022, iha eskola Sekundáriu Jerál “Kairala” Postu-Manatuto Vila, Aldeia-Carlilo, Suku-Aiteas, Munisípiu-Manatuto.

Merício Juvinal dos Reis “AKARA”, hateten, atu kombate HOAX iha rai ida ne’e, iha tempu hanesan promove internet saúdavel, internet ne’ebé pozitivu, hodi asesu informasaun ho matenek iha siénsia téknolojia husi rai seluk seluk.

“AKARA”, hateten, desinformasaun ka HOAX hanesan buat ne’ebé mak atu deskredita ema halo paniku, fiar ba informasaun lalos, halo asaun negativu, hodi estraga imajem, instituisaun no Governu sira.

Ezekutivu, ne’e informa katak, iha era agora tenke uza plataforma dijitál hodi simu informasaun loos iha siénsia tékonolojia, maibé tenke prepara an hodi labele share informasaun ne’ebé lalos.

“AKARA” esklarese katak, Governu liu husi SEKOMS kontinua hala’o kampaña literasia dijitál, hodi promove edukasaun sivika ba ita nia sidadaun hodi sai matenek iha konsiénsia uza plataforma dijitál ho di’ak.

SEKOMS husu ba estudante sekundária “Kayrala” atu kontribui hodi kombate HOAX no promove internet saúdavel, nomós lee livru sira, nomós asesu iha plataforma dijitál sira halo barak, hodi sai ema ne’ebé iha koñesimentu no hanoin kritiku.

Entertantu Prezidente Konsellu Imprensa, Virgílio Guterres hateten, moris iha erá dijitál ne’e dependente ba informasaun, kuandu informasaun laiha, sei atrazadu sei la hetan informasaun hanaran Jerasaun Alfa ka Dijitál Natif

Virgílio Guterres afirma ba estudante “Kay-Rala” uza dijitál ho direitu naturál, tanba dijitál ne’e sai tona nesesidade ba ita nia jerasaun maibé labele haluha katak, informasaun di’ak sempre mai ho informasaun ladi’ak, tenke kontrola ida-idak nia an rasik.

Iha fatin hanesan, Diretór Edukasaun Munisípiu Manatuto, Graciano de Jesus Baptista, hato’o agradese ba SEKOMS, hodi partilla informasaun sensibilizasaun kampaña kombate HOAX no promove Internet Saúdavel ba estudante sira hodi hafasil moris loronloron nian iha informasaun.

Entertantu Joaninha Marcal husi estudante Eskola Sekundária Jerál “Kayrala” Manatuto, apresia ba SEKOMS tanba bele hanorin ona estudante sira kona-ba Desinformasaun no informasaun pozitivu sira. Tanba liu husu sensiblizasaun literasia dijitál ida ne’e hanesan dalan ida atu kombate informasaun falsa sira.

Programa ne’e organiza husi SEKOMS, Partisipante iha programa ne’e, Diretór Edukasaun Munisípiu Manatuto, Adjunto Komandante PNTL Munisípiu Manatuto, Diretór Eskola Sekundária Jerál Kairala Manatuto, Professores no Estudante Sekundáriu “Kayrala”, no funsionáriu SEKOMS. */Tri