Membru Komponente Naval Na’in 24 Finaliza Kursu Lian Português

Fahe Tutan

Naunil Media (Díli), Reprezentante Xefe Estadu Maior Falintil-Forsa Defeza Timor-Leste (F-FDTL) Kapitaun Mar e Guerra Higino das Neves, atual Komandante Komponente Naval hateten, formadus sira hosi komponente naval hamutuk ema na’in 24 sira iha prinsipiu vontade no komitmentu di’ak durante tuir formasaun.

“Ha’u orgullu ba formadu sira hotu ne’ebé iha boa vontade aprende no finaliza formasaun lian Português ne’ebé oferese husi nasaun parseiru hanesan Portugal liu husi instituto Camões, durante semana ne’en (6) nia laran ba membru Falintil-FDTL,ho total formadu hamutuk 24”, dehan Kapitaun Mar e Guerra Higino das Neves, ba jornalista sira, iha Komponente Naval Metinaro, Sexta (30/09).

Nia hatutan, Objetivu husi formasaun ne’e atu prepara membru Falintil-FDTL, Komponente Naval ba 1⁰ preparasaun ba autoridade maritima ne’ebé dezena ona hodi prienxe estrutura ne’ebé prepara ona husi nasaun amigu Austrália ba Timor-Leste.

“Ita iha ona rekursu maibé ita sei iha problema fasilidade no meius ho ida ne’e ha’u fiar katak governu iha hanoin ona atu apoiu, konstrui fasilidade hodi ajuda komponente Naval hala’o knaar foun ne’e”, Kapitaun Higino afirma.

Entertantu ba futuru formadus sira ne’ebé remata ona formasaun Nivel 1 no 2, sira sei hala’o tan formasaun ou kursu intensivu B1 ne’ebé sei hahú iha iha loro 1 fulan Outubru Segunda Semana ne’e.  Dul

Leave a Reply

Your email address will not be published.