SEA Ho SEP Halo Lansamentu Kuda Ai-Parapa Hodi Proteze Tasi

Fahe Tutan

Naunil Media (Díli), Sekretáriu Estadu Ambiente (SEA) hamutuk ho Sekretáriu Estadu Peska (SEP) halo lansamentu kuda Ai-Parapa iha Suku Ulmera, Postu Administrativu Bazartete, Munisípiu Liquiçá.

Tuir Sekretáriu Estadu Ambiente (SEA) Deomitrio do Amaral de Carvalho hateten, kuda Ai-Parara hodi Salva tasi bainhira mosu udan.

“Ohin ita halo lansamentu ofisiál programa dekarbonizasaun Ai Mahon ba Kafe, Ai-Parapa  no Pugaun Poupa enerjia, programa ne’e importente tebes ba iha SEA, ita kuda Ai-Parapa hodi salva ita nia tasi, tanba Ai-Parapa bele salva baihira mosu anin bo’ot, ka laloran tasi sa’e, bele mós satan lixu sira bainhira mosu udan bo’ot”, dehan SEA Deomitrio do Amaral de Carvalho ba jornalista sira iha lansamentu kuda Ai-Parapa iha Suku Ulmera, sesta (30/09).

Nia hatutan, Programa ida ne’e hodi proteze ita nia ambiente no ita nia toos na’in sira.

Nia parte husu ba komunidade Suku Ulmera proteze Ai-Parapa sira ne’e hodi bele halo tasi sai buras no matak.

Iha hanesan Xefe Suku Ulmera Martino Correia husu ba populasaun suku Ulmera tenke tau matan ba Ai-Parapa ne’ebé mak ohin ita halo lansamentu, nune’e bele halo ita nia ambiete sai matak liu tan.

Nia hatutan, iha Ai-Parapa hamutuk 50 mak kuda dahuluk pois mak grupu sira kontiniua kuda tan.

Programa ne’e tuir lolos Prezidente ho Primeiru Ministru mak halo lansamentu, maibé tanba kestaun sira  na’in labele marka presenza iha lansamentu ne’e.

Iha lansamentu ne’e hetan partisipasaun hosi Administrador Munisípiu Liquiçá, komandante PNTL Munisípiu Liquiçá, veteranus, autoridade Suku sira, no mós komunidade Suku Ulmera.

Tema ba programa ne’e mak Lansamentu Ofisál Programa Dekarbonizasaun Ai-Mahon ba Kafe, Ai-Parapa no Pugaun Poupa Enerjia. Lop

Leave a Reply

Your email address will not be published.