Membru F-FDTL Na’in 110  Tuir Formasaun Marinha

Naunil Media (Díli),  Komandante Mar i Guerra Hinigo das Neves informa, Membru Falintil Forsa Defesa Timor-Leste Hamutuk 110 na’in,  tuir formasaun espesial kona-bá Fuzileirus hodi hasae kapasidade.

“Formasaun ne’e ba membru ne’ebé mak ita rekruta iha tinan 2021nian,  ne’e fahe ba rua 110 ba formasaun fuzileirus  atu sai forsa espesial ba marinha nian par sira sai fali marineiru”, dehan Komandante Mar i Guerra Hinigo das Neves ba jornalista sira iha Metinaro, segunda (03/10).

Nia Hatutan, Primeira vez Timoroan partisipa iha formasaun ida ne’e, fahe ba turnu neen kada turnu ida iha instrutór, iha sarjentu ida, kabu ida no grumeta ida, ida ne’e mak sira kompoen turnu neen katak turnu ida iha ema na’in 18.

Ita hatene Marinha ne’e áreia ida ne’ebé katak nia doutrina, ambiente, linguajen, organizasaun mós ketak,  tanba ida ne’e mak sira ne’ebé   hasai kursu baze iha Metinaro, formasaun jerál  sira ba hotu Metinaro, depois atu aprende oinsa transforma jovem sira ne’e sai ba military, dehan nia.

“Kuandu sai ona milítar infantaria ba nia avansadu de’it, oinsa kompañia  bele halo ataka no lasu ruma, sira aprende de’it ida ne’e. Maibé marinha laiha, mai fali hafoin iha kursu balu marinaria  nian, oinsa atu konhese material tasi no ro nian, iha insediu ruma iha ro,  no ro labele at no lakan kuandu lakan ona ne’e oinsa sira bele uza salva vida hodi moris, entaun ho formasaun ida ne’e sira bele konhese moris iha tasi”, katak nia.

Aliende ne’e formasaun ne’e hotu sira muda xapeu ida ne’e hotu bolu gurmete agora ne’e sira sei soldatu hela, gurmete hotu tia maka sira foin iha formasaun espesialidade, nia dehan.

Nasaun Portugal haruka sira nia nia instrutores mai iha ne’e atu hanoin liu-liu kona-bá iha maquinista, elestrista, komunikasoens no aprende buat barak hodi halo atividade lorloron, formasaun bazíku ne’e fulan ida de’it, nia hakotu. Flo