MPO Aprezenta Progresu Servisu Ba Komisaun Interministerial
Naunil Media (Díli), Ministru Planu no Ordenamentu (MPO) atual Vise Primeiru Ministru Jose Maria dos Reis halo aprezentasaun progresu servisu ba dala haat, iha komisaun Interministerial no aprezenta mos esbosu kuadru legal ida.
Enkontru Interministerial ne’ebé lidera husi Primeiru Ministru (PM) Taur Matan Ruak iha Palásiu Governu,tersa(04/10)
“Ohin ha’u halo enkontru komisaun interministerial re-ajustamentu Per nian ne’ebé lidera husi PM husu ekipa tekníku sentru planeamentu integradu halo apresentasaun ba iha esbosu re-ajustamentu per ninian ba progresu servisu ne’ebé mak hahú tinan kotuk, ohin halo aparezentasaun ba dala haat iha komisaun Interministerial nune’e mos aprezenta esbosu kuadru legal ida”. dehan nia.
Nia haktuir, Kuadru legal ne’e aprezenta ho razaun ida iha Rezolusaun 80/2021 nee husu katak planu ida ne’e tenke vinkulativu.
“Depois ami halo konsultasaun ho entidades lubuk ida nune’e mos konsultasaun husi Munisipiu sira inklui Rejiaun Administrativa Espesial Oekusse Ambenu(RAEOA), husi baze fó hanoin katak tuir sira nia pontu de vista ita nia planu ne’e hala’o, maibé inkonsistensia ba planu katak la halo tuir planu”,katak nia.
MPO mós iha hanoin katak diak liu halo mós lei ida ne’ebé bele kaer metin, atu bele iha konsistensia ba implementasaun planu ne’e atu nune’e bele atinje objetivu ne’ebe mak planu ne’e rasik ejije.
“Ami sei nafatin halo diskusaun kona ba servisu per nian sesidauk iha final agora sei iha esbosu pre liminar ida ne’ebé agora ami tenta iha fulan rua ne’e, ekipa sentru planeamentu sei halo hotu no sei lori ba iha Konsellu Ministru atu aprova, no atu lori ba Parlamentu Nasionál hodi aprova ba planu no Lei ne’e rasik hetan ona apovasaun”,tenik nia.
Enkuantu re-ajustamentu ne’e katak tuir planu estratejiku 2011-2030, ne’ebé hala’o ona no iha dokumentus neebe Konsellu Ministru aprova ona no sirkula ona iha públiku kona ba avaliasaun ba iha pers Primeira faze no segundu faze.
Planu estratejiku 2011-2030 fahe ba parte tolu hanesan 2011-2015, 2015-2020 no terseira faze 2020-2030 no foin halo avaliasaun ba faze rua, Primeiru no segundu hatudu katak ita nia prosesu lao la tuir objetivu ne’ebé mak iha, tanba iha metas balu mak atinje no balu la atinje entaun prosesu sira ne’e mak ita tenta atu lori halo re-ajustamentu, indikadores la dun klaru tanba ne’e mak liu husi re-ajustamentu per atu bele hadia di’ak liu, Nia dehan.
Entretantu progresu ne’e sira aprezenta dala haat ona no PM mak lidera komisaun interministerial ne’e rasik ne’ebé mak kompoin Ministeiriu lima iha laran. LTS
