PN Husu Embaixada Indonesia Tau Matan ba Estudante Martino Nia Dokumentus
Naunil Media (Díli), Reprezentante Povu iha Uma Fukun Parlamentu Nasionál husu ba adidu edukasaun iha indonesia hodi tau matan ba Estudante ida ho naran Martino hodi rezolve ninia dokumentus ne’ebé Expayer ona.
Tuir Deputada hosi partidu Libertasaun Popular (PLP) Domingas Do santos hateten, Adidu edukasaun Indonesia presiza tau matan ba estudante ne’e, tanba oras daudaun estudante ne’e hetan hela detensaun labele kontinua eskola.
“Ha’u husu ba adidu edukasaun iha Indonesia ne’eba ne’e favor tau matan ba estudante ho naran kompletu Martino Bendito Magno, tanba nia agora sofre ho dokumentus ne’ebé mate”, dehan Deputada (PLP) Domingas dos Santos iha sala plenaria (PN), segunda (03/09).
Nia hatutan, Halo kontaktu ho embaixada iha Jakarta, maibé laiha informasaun no la labele ajuda nia.
Nia hateten, estudante ne’e ninia pasaporte mate ona presiza halo revovasaun hosi emebixada iha Indonesia.
Estudante ho naran Martino Bendito Magno husi Bobonaro postu Balibo Batugade, eskola foti adver iha Surabaya no nia Inan Aman lamenta teb-tebes ho situasaun sira nia oan ne’e, nia labele kontinua nia estudu, atu haruka deportasi mós laiha solusaun ba nia moris iha Indonesia, hakotu nia. Ana
