Estudante Joselino Konsidera PN Hola Kareta Prado Sport, La Refleta Povu

Naunil Media (Díli), Estudante hosi Universidade de Dili (UMDIL)  Joselino Costantino Pereira, Konsidera Parlamentu Nasionál Hola Kareta Prado Sport ba deputadu na’in 31, ne’e Larefleta ba kondiasaun ponu Nia Moris.

“Polítika Parlamentu Nasionál uza rasik orsamentu privativu hodi hola kareta Sport Prado hamutuk 31 ba deputadu na’in 31, ho orsamentu hamutuk 1 miliaun, kareta ida nia folin ne’e 41 mil, asaun ne’ebé mak parlamentu hlo ne’e laos foin mak halo halo beibeik ona, atu dehan de’it katak parlamentu la reprezenta ona povu ninia aspirasaun”, dehan Estudante hosi Universidade de Dili (UMDIL)  Joselino Costantino Pereira ba Naunil Media Via What Sapp, kuarta (05/10).

Nia hatutan, Parlamentu Nasionál la’os reprezenta ona povu maibé Parlamentu Nasionál sai fatin ba partidu polítiku sira ne’ebé hetan asentu iha Parlamentu Nasionál, sai  fali interese deputadu sira nian.

“Problema ida ne’e la’os estudante de’it mak preokupa, maibé problema ida ne’e sai preokupasaun sosiedade no povu Timor-Leste, saida mak ita kestiona politíka Parlamentu Nasionál nian, tanba halok sira ne’ebé Parlamentu Nasionál halo ne’e kontribui ona hodi hasa’e númeru dezempregu iha Timor-Leste”, katak nia.

Tuir lolos Parlamentu Nasionál tenke uza osan ne’ebé mak iha hodi kria kondisaun di’ak ba joven sira ne’ebé mak preokupa hela servisu tanba saida mak tinan tinan hola hela de’it prado ba sira ida ne’e la interese nasionál, la interese patriotismu nasionál, preokupa.

Tuir informasaun ne’ebé mak asesu katak Parlamentu Nasionál mós sei hola tan leptop 31 ba deputadu sira, nia hakotu. Lop