FEATUREDIkus LiuNewsSaude

MS Planu Haruka Médiku Espesialista Ba Halo Espesializasaun Iha Nasaun Kuba

Fahe Tutan

Naunil Media (Díli), Ministra Saúde (MS), Maria Odete Freitas Belo informa, Ba tinan ida ne’e ministeriu Saúde planu hela haruka médiku espesialista sira, ba halo espesializasaun iha nasaun Kuba iha área sira ne’ebé mak MS persija

“Agora dadauk ita iha hospital nasionál guidu valadares (HNGV) ita iha medikus espesialista ne’ebé iha área zinekolojia nian no mós sira seluk, ita nafatin haruka ita nia mediku sira atu bele kontinua nafatin iha área ida ne’e”, dehan  Ministra Saúde (MS), Maria Odete Freitas Belo ba jornalista iha Palásiu Governu, kuarta (5/10).

Nia hatutan, Tanba ita hakarak atu kompleta médiku espesialista sira ne’ebé iha ospital referal sira.

“Primeiru ami mós la’ós haree ba medikus de’it, maibé bainhira ami iha ona polítika ida katak, bainhira ita haruka espesialista sira, ita mós tenki haruka enfermeiru sira sai hanesan pakote ida, atu nune’e bainhira médiku sira mai hala’o ninia servisu ita mós iha ona infermeiru sira bele apoiu sira iha hala’o sira nia servisu”, katak nia.

Governante ne’e mós hateten, MS mós hanoin katak, kada tinan ne’e persija aloka orsamentu ida para atu bele haruka ita nia espesialista ba eskola, maske dalaruma ita la ho númeru ne’ebé bo’ot, maibé ita sempre iha kontinuasaun haruka ita nia médiku espesialista sira ba kontinua sira nia meritu jerál sira ne’ebé mak servisu kleur ona bele ba kontinua sira nia spesialidade depende ba nesesidade MS nian. LTS

Leave a Reply

Your email address will not be published. Required fields are marked *