EdukasaunFEATUREDIkus LiuNews

Selfiana Asume Kargu SEKOMS Durante Oras 1

Fahe Tutan

Naunil Media (Díli), Estudante Selfina Soi da Grasa asume kargu Sekretáriu Estadu Komunikasaun Sosial (SEKOMS sigla portugés) hodi komemora loron mundial ba labarik ne’ebé lidera hosi Plan Internasional.

“Sei fahe esperiénsia ne’ebé  hetan ba ha’u-nia belun sira mós agradese ba S.E. SEKOMS ne’ebé fó ona oportunidade ne’e mai ha’u iha oras balun nia laran. espera ba oin nafatin fó oportunidade ne’e mós ba labarik feto sira seluk, hodi bele hasa’e mós sira-nia esperiénsia liu hosi kapasidade ne’ebé sira iha”, dehan Estudante Selfina Soi da Grasa ba jornalista sira foin lalais ne’e.

Nia hatutan, Husi atividade ne’e nia aprende oinsá bele fiar aan liu tan hodi lidera atividade sira.

“Lidera  enkontru regulár ho funsionáriu SEKOMS.  atividade ne’e akompaña  direita husi  husi S.E, Sekretáriu Estadu ba Komunikasaun Sosiál, Sr. Merício Juvinal dos Reis”AKARA”, no funsionáriu SEKOMS”, katak nia.

 Iha fatin hanesan, Assesora Prinsipál SEKOMS , Anjelonia Soares de Araújo, nia esklarese maske labarik kiik, maibé iha oportunidade ne’ebé previléjiu tebes hodi assumi knaar ne’e no nia hanesan jerasaun foun nia prontu kontribui ba nasaun RDTL.

Selfina Soi da Grasa no Anjelonia Soares de Araújo, ho tinan 13 Anos, husi Munisípiu Aileu.

Enkontru ne’e partisipa husi, Xefe Gabinete SEKOMS, Tékniku Espesializadu no Profisionál SEKOMS, Funsionáriu SEKOMS Jerente Plan Internasionáll ba Programa Labarik Feto, Juventude no Igualdade Jéneru ho nia Ekipa.

Programa ne’e, Organiza husi iha Plan Internasionál, relasioná ho selebrasaun loron Internasionál ba labarik feto ne’ebé sei hala’o iha loron 11 fulan-Outubru ba tinan-2022. #Lop

Leave a Reply

Your email address will not be published. Required fields are marked *