PAMD Ho Komunidade Marxa Hodi Selebra Aniversáriu Sidade Díli Ba Dala 253

Naunil Media (Díli), Prezidente Autoridade Munisípiu Díli (PAMD) ho komunidade Munisípiu Díli realiza Marxa saudavel hahu husi rotunda prezidente Francisco Xavier do Amral to’o edifisiu Munisípal hodi selevra Aniversáriu Sidade Díli ba dala 253.

Prezidente Autoridade Munisípiu Díli (PAMD), Guilhermina Filomena Saldanha Ribeiro hatete, Objetivu husi marxa ne’e hodi selebra Aniversadi sidade Díli nian, parte ida mós hanesan jinastika ida di’ak ba ema nia Sa’ude.

“Ita nia atividade ida ne’e marxa da paz hodi selebra  sidade Díli  nia loron  halo ba 253 no partisipa husi ita nia komomunidade, Estudante ho funsionariu Públiku sira no mós Direitór husi Ministeiru sira “, dehan Prezidente Autoridade Munisípiu Díli ba jornalista sira iha resintu autoridade Munisípal Díli foin lalais ne’e.

Nia hatutan, Munisípiu Díli ho Ministeriu Saúde kria ekipa ida  halo avalisaun ba Suku sira iha Kapital Díli hodi haree Suku ne’ebé mak Saudavel no mós liu no halo mos konsulta jeral ba komunidade sira.

“Iha loron 26 fulan Setembru ita iha ekipa ida ba halo avalisaun ba Suku ne’ebé mak sei hetan premiu, hamutuk ho Ministeiriu saúde halo konsulta ba ita nia maluk sira ne’ebé mak hetan moras “, dehan Guilhermina.

Prezidente Autoridade ne’e mós apela ba kominidade sira hela iha Munisípiu Díli atu Soe lixu iha fatin ne’ebé mak prepara ona, husu ba komunidade sira atu labele halo uma besik fatin ne’ebé mak risuk  fasil mosu dezastre no labele hakoi mate isin iha Uma hun.

Iha programa ne’e iha mós jogu, dada rifa, no manan nain sei hetan premiu hanesan pulsa Timor Telekom, mesin face ropa,Televizaun, no Zelera, premiu ne’e apoiu husi  kompaña Timor Telekom,Oka Laran Di’ak, no seluk seluk tan. Gyor