FEATUREDGeralIkus LiuNews

Prezidente CCLN Vidal: Dadus Veteranus 124 Mil Ne’e Tenke Verifika Hotu

Fahe Tutan

Naunil Media (Díli), Prezidente Konsellu Kombatentes Libertasaun Nasionál (CCLN sigla portugés), Vidal de Jesus ho nia kodigu ” Riak Leman” informa, Verifikasaun dadus 2009 ho total veteranus sira ne’ebé rejistadu 124 mil.

 “Verifikasaun dadus ida ne’e iha tinan kotuk mós halo no tinan ne’e kontinua halo, maibé iha tinan kotuk ita hasoru problema Covid-19 mosu entaun barak mak la partisipa, tanba ema hotu-hotu la sai no Transporte mós la iha, tanba ne’e mak barak seidauk verifika”, dehan prezidente CCLN ba jornalista iha salaun Katedral, kinta (13/10).

Nia hatutan, Enkuantu Dadus 124 mil atu ba verifika ne’e atu hatene tuir de’it sira nia servisu durante iha ai laran, no ekipa sira kumpri dever hodi husu sira nia informasaun paratisispasaun tinan hira no hahú sa tinan.

Ne’ebé Agora ita sei iha hela faze verifikasaun ita seidauk hatene na/in hira mak ba 8 a 14 no hira mak 4 a 7 ne’e seidauk hatene, bainhira verifikasaun nasionál aprovasaun validasaun nasionál mak foin hatene, dehan nia.

“Ha’u hanoin atu halo pagamentu ba veteranus sira iha tinan 2023 ne’e susar ituan, tanba iha 2003 nian ba rejistu pendentes barak mak agora seidauk haree”, katak nia.

Ne’ebé verifikasaun ida rejistu 2009 ne’e hotu tama fali ona kazus pendentes sira ne’e rezolve hotu, hodi haree mós ida 2009 nian ne’e, no 2003 nia ne’e la barak tanba momentu ne’eba balu aprova 4 a7 ne’e sira la kontente ho ida ne’e, sira lakoi simu maibé ita hare nia durasaun partisipa ne’e atu hetan duni 8 a 14, nia konta tuir.

“Sei halo verifikasaun dadus ida ne’e ba Munisípiu Ermera ho Baucau mak seidauk verifika, maibé hakarak ka lakoi dadus 124 mil ne’e tenke verifika no rekruta hotu”, dehan nia.

Enkuantu Pendente sira ne’e la barak, ne’e depende sira ne’ebé halo reklamasaun mai hatama no sei kontinua reklama no hatama nafatin to’o hotu mak ita foin fó sai dadus, nia hakotu. LTS

Leave a Reply

Your email address will not be published. Required fields are marked *