Cambodia Nu’udar Defensor Forte Adezaun TL Ba ASEAN 

Naunil Media (Díli), Cambodia no Timor-Leste (TL) iha relasaun di’ak tebes, dadaun ne’e mós Cambodia nu’udar aktual Prezidente Association of Southeast Asian Nations (ASEAN), tanba ne’e Cambodia Defensor Forte kona-bá Timor-Leste nia adezaun ba Asean.

“Camboja no Timor-Leste iha no halao relasoens ne’ebe di’ak tebes. Nu’udar aktual Prezidente ASEAN nian , Camboja dadaun ne’e sai mos nudar defensor forte tebes konabá adezaun Timor-Leste atu adere tama ba menbru ASEAN,” dehan liu husi deklarasaun imprensa bainhira Prezidente Repúblika (PR) José Ramos Horta ho delegasaun hala’o vizita ba iha reinu Cambodia ne’ebé hala’o iha Airoportu Internationál Nicolau Lobato, Tersa, (18/10).

Vizita Xefe Estadu ne’ebé atu halao dadaun ne’e sei sai nu’udar oportunidade diak hodi reforsa-hametin liu tan parseria no amizade entre nasaun rua ne’e, no explora formas atu aumenta tan koperasaun iha matéria ba dezenvolve ekonomia , seguransa ai-han, konektividade aviasaun, troka konabá komersiu nian, partilha experiénsias iha sektor minarai no mós kona-bá inisitativa regional sira, entre matéria sira selu tan.

Durante Vizita de Estadu ida ne’e mós Prezidente Repúblika sei halao reuniaun ho Sua Majestade Liurai, ho Primeiro-Ministro Hun Sen, no kortezia ba Prezidente Senado hosi Prezidente Assembleia Nasionál Reino Camboja nian.

PR Jose Ramos Horta nia ponto kulminante mak sei ba ko’alia iha universidade tolu (3) , tuir mai iha ne’ebá sei simu kondekorasaun iha Doutoramento Honoris Causa iha Administração no Liderança Educativa” no ida fali iha “Professor Honorário Distinto de Relações Internacionais.

Iha Vizita Estadu ne’e mós sei akompaña hosi sektor privadu Timor-Leste nian no komunidade emprezarial , no sira iha ne’ebá sei partisipa iha Fórum Emprezarial ida ne’ebé mak organiza hosi Ministerio dos Negocios Estangeiros no Kooperasaun no Embaixada Timor-Leste iha Reino do Camboja, ein parseria-servisu hamutuk ho Câmara de Comércio Camboja nian no ho Trade Invest Timor-Leste.

Vizita Estadu ba Reino Kamboja ne’e Prezidente Ramos-Horta nu’udar vizita daruak. Vizita ba dahuluk Prezidente Repúblika Ramos-Horta halao iha tinan 2011, iha mandatu prezidensiál tinan 2007-2012 .

Hosi ne’ebá kedas maka realiza ona interkambiu vizitas Alto nivel lubuk ida no beibeik entre nasaun rua ne’e , inklui mós Vizita Ofisiál Kay Rala Xanana Gusmão, momentu ne’ebá wainhira kaer knaar Primeiro-Ministro, iha tinan 2013 .

Iha tinan 2016, Vizita Ofisiál Samdech Akka Moha Sena PadeiTecho Hun Sen, Primeiro-Ministro do Reino do Camboja mai Timor-Leste Hafoin iha tinan 2019, hatutan mós ho vizitas trabalhu ba Camboja, tantu hosi Prezidente Ramos-Horta nune’e mós hosi Ex-Prezidente no ex-Primeiru-Ministru Kay Rala Xanana Gusmão. Prezidente Repúblika hasoru malu ho Primeiru-Ministru Hun Sen iha okaziaun Assembleia AGNU nian ba dala 77, fulan setembru tinan 2022.

Prezidente Repúblika Demokrátik Timor-Leste, sei halao Vizita Estadu, hosi loron 19 to loron 21 fulan Outubro 2022, ba Reino Camboja nu’udar Konvidadu Nai Liurai- Sua Majestade Preah Bat Samdech Preah Boromneath NORODOM SIHAMONI. No Horta sei fila mai Timor-Leste iha loron 23 fulan Outubro de 2022. *Jos