Jeri Husik Nia Eskola, Hodi Faan Has Iha Sidade Díli

Naunil Media (Díli), Jeri Dominicos husi Suku Taiboko Postu Administrativu Pante Makasar Munísipiu Oe-Cuse, ho idade 13 husik hela nia eskola hodi leba Has hale’u sidade Díli, hodi ajuda nesesidade família.

Wainhira Manu kokorek hatudu tuku lima dader Jeri Dominicos hader husi nia toba fatin foti nia sabaun hakbesik ba haris fatin hodi fase nia oin, depois nia hakat besik ba meza hodi matabisu, foti toples ho Has tula ba nia kaba’as hakat sai husi odamatan oin hodi faan hale’u Díli Laran.

 “Ha’u fan sai husi uma dader de’it, Has ha’u lori hamutuk $13 no loron ida sorti di’ak ema hola hotu, lae ema hola ituan de’it, apa ho ama kous ami hamutuk na’in 5, ha’u mak mane bo’ot”. dehan Alin Jeri ba Naunil media foin lalais ne’e.

Maske loron manas hanas alin Jeri nia isin, maibé nia la lakon vontade nafatin Hakilar “Hasss Has” to’o oras meudia Jeri buka jardim ne’ebé mak malirin atu hamaran tia nia kosar, no hodi hola bee ho etu hodi han meudia nian.

Oras hatudu tuku 6 loraik alin Jeri hakak neneik husi dalan ninin hodi fila ba uma to’o iha uma nia fó osan ne’ebé mak ohin ema hola has ba nia mama, tuku 8 kalan hamutuk ho nia família han kalan nia, no hotu nia hakat ba kama deskansa kalan nia hodi hein loron aban.

Maun husi alin na’in ha’at ne’e ho inisiativa rasik para eskola, tan haree ba ekonómia uma laran nian, no konsege eskola to’o klas lima.

“Ha’u mak lakoi eskola la’os apá ho amá mak la hatán, ha’u hakarak faan Has de’it hodi ajuda apa ho ama, Has ne’e ama mak budu no ami kuu iha ami nia uma hun ami mak kuda”. dehan nia.

Jeri Dominicos ho idade ne’ebé mak sei adultu, maibé iha espiritu ne’ebe bo’ot ba nia família hodi husik nia eskola ajuda nia apa ho ama fila liman hodi sustenta nia alin na’in 4 nia eskola, agora hela iha Taibesi Postu administrativu Nain Feto Munisípiu Díli. Gyor