FEATUREDIkus LiuNewsSaude

USAID Apoiu Tokon $ 15.6 Ba  Sustentabilidade Sistema Saúde Iha TL

Fahe Tutan

Naunil Media (Díli), Diretora Interina Misaun United States Agency international Development (USAID), Dinah Zeltser informa, Eventu ida ne’e parte ida husi USAID ninia Atividade ba Sustentabilidade Sistema Saúde iha Timor-Leste ho total fundu millaun $15.6 ba periudu tinan ha’at (2020-2024).

“Estadus Unidus iha kompromisu atu parseria ho Mmistériu Saúde hodi harii lideransa forte iha setór saúde, sistema jestaun, kompetensia no abilidade ne’ebé krusial atu garante forsa traballu ida ne ‘ebé aksesivél, disponivel, aseitavé, kualidadea’as, ho dezempeñu di’ak iha setúr saúde”, dehan Diretora Interina Misaun USAID Dinah Zeltser iha nia diskursu ba jornalista iha Hotel Timor, Kuarta (19/10).

Nia hatutan, Nune’e atu hametin governasaun no finansiamentu iha setór saúde, hadi’ak advokasia sosiedade sivil sira nian, no promove komportamentu saudavél iha nivel uma kain no komunidade.

Dinah Zelster hsteten, Liu husi sorumutuk ida ne’e espera katak, ita bele produz dokumentus ho kualidade ne’ebe hanesan baze legal hodi bele haforsa sistema saúde iha Timor-Leste.

Iha fatin hanesan Vise Ministru saúde Bonifacio Maucoli hateten, Rekursu Humanu sai nu’udar pilar save ida baze fundasaun importante iha prosesu konstrusaun sistema saúde ne’ebé forte, efisiente, forte, efikas no sustentavel.

“Ita labele haree ba uma laran ne’ebé avansadu ba oin, sim, maibé ita haree uluk lai ba nia instrumentu jestaun rekursu umanu ne’ebé iha”, Vise MS salient.

Tanba ne’e ho objetivu atu asegura implementasaun planu estratejiku nasionál servisu saúde, MS tenke halo esforsu lubun ida iha ambitu dezenvolvimentu no jestaun rekursu umanu, hakotu nia. LTS

Leave a Reply

Your email address will not be published. Required fields are marked *