Sovrevivente Domingos Hosi Likisa Hetan Uma Hosi CNC
Naunil Media (Likisa), Sovrevimente Domingos Dos Santos hetan uma ne’ebé konstrui hosi Centru Nasionál Chega Intitutu Públik (CNC,IP).
Tuir Diretór Ezekutivu (CNC,IP) Hugu Maria Fernandes hatete, apoiu ba sovrevivente ne’e hanesa programa ida husi Oitavu Governu Konstituisional hanesan fó valotizasaun ida ba vitima Domingos.
“Ohin CNC ho nia Asesor internasional sira mai vizita ba sobre vivente sira ne’ebé mak CNC ajuda halo sira nia uma, uma ne’e ita bolu halo memoraia ba esperansa ne’e mak Primeiru Ministru inagura iha fulan kotuk”, dehan Diretór CNC iha Likisa, tersa (25/10/22).
Nia hatutan, Domingos hanesan vitima ida ne’ebé mak hetan turturasaun husi Militár Indonezia iha tinan 1999, no merese duni Estadu fó rekoinesimentu.
“Iha Tinan 1999 nia mós hanesan vitima ida ne’e hetan baku makas, mere duni ita valoriza nia sovrevivente sira ne’e”, tenik nia.
Sovrevimente Domingos Dos Santos mós sente orgullu ho Centru Nasionál Chega no oitavu governu ne’ebé mak konstrui ona uma ba nia.
“Ha’u agradese no kontente tebes ba CNC ho Governu halo ona uma mai ha’u, hodi bele ho ha’u nia fen oan sira hela ba”, dehan Benefisiariu.
Iha fatin Hanesan Dirizente Sovrevivente Munisípiu Likisa, jose Menezes Nunes Simão, mós husu ba Centru Nasionál Chega atu nafatin apoiu ba sovrevivente sira ne’ebé mak uluk didika sira nia an ba liberta pátria.
“Ha’u hato’o ba CNC atu nafatin buka dadus sira ne’ebé mak iha área remotas, no mós atu apoiu no kopera ho ami sira dirizente hodi bele rekolla dadus sira ne’ebé mak ita nia maluk sovrevivente sira ne’ebé mak sedauk hetan sira nia direitu”., dehan nia.
Montante orsamentu ba konstrusaun ho total $14.700. Gyor