PM Taur Preokupa Situasaun Joven TL Iha Portugal

Naunil Media (Díli), Primeiru Ministru (PM) Taur Matan Ruak preokupa joven Timor-Leste iha Portugal, tanba ho joven sira ne’e nia inisiativa rasik mak too situasaun ida ne’ebé balun toba iha estrada no balun toba iha ema nia uma tatis.

Kestaun ne’e hato’o husi Xefe Guvernu ba Jornalista sira hafoin remata enkontru semanal ho Prezidente Repúblika (PR) José Ramos Horta iha palásiu Prezidensiál Nicolau Lobato Bairru Pite, kinta (27/10).

“Ida seluk mak ita nia oan sira no situasaun ita nia labarik sira, joven sira ne’ebé iha Portugal, ita preokupa sira nia situasaun tanba, Primeiru sira sai ho inisiativa propriu, inisiativa rasik nein sira, nein ita preve katak too iha situasaun ida ke sira toba iha estrada, toba iha ema nia uma tatis purque ne’e lapersiza pasa ho situasaun ida ne’e, mas infelizmente ida ne’e mak akontese”, dehan Xefe Governu

Taur Matan Ruak hatutan, Governu halo esforsu servisu ho guvernu Portugal, proposta foun Primeiru mak hapara labele benefisia rejime ida ne’ebé fó liberdade ba ema sira la’o iha área Uniaun Europeia nian que inklui Timor, so que husu para ida ne’e labele.

Xefe ezekutivu ne’e mós hateten governu sei reforsa kooperasaun teknika ne’e katak servisu imigrasaun Servisu Exteriores no Fronteira (SEF) sei haruka tekniku tolu (3) para servisu ho ita nia imigrasaun cek dokumentu hotu-hotu husi ema ne’ebé hakarak ba Portugal.

“Purizemplu ita boot sira haree Euro Atlántiku mai sira lori kedas sira nia imigrasaun iha laran para cek dokumentu hotu-hotu ba ema ne’ebé ba nia tenke dokumentu kompletu nia tenke iha osan para depois nia bá iha ne’ebá nia tenke 90 dias nia laran nia iha kapasidade para sustenta nia aan ou sé mak sustenta nia tenke hatene Para evita ita nia ema sira toba iha estrada”, katak Xefe ezekutivu

Eis Prezidente Repúblika ne’e esplika Ida seluk mak esforsu governu nian halo nusa mak ba apoiu sira ne’ebá no sira ne’ebé hakarak fila lori fila tanba iha balun hanesan lori fila no iha balun ema deporta de’it, saida mak guvernu bele apoia para depois balun integra sira balun lori fila sira hotu karik too iha kazu ida.

Nia dehan, Agora buat ida ke labele husik mak ida ne’e ba toba iha estrada para depois halo moe ema hotu dehan governu mak la haree kuandu inisiativa sira nian ne’e labele Primeiru lapersiza pasa ida ne’e.

Tanba ida ne’e duni mak guvernu halo hela esforsu hanesan ema hotu haree haruka ema ba Austrália, haruka ema ba iha Korea do Súl no dadaun ne’e negosia ho país sira seluk, no Primeiru Ministru mós husu ba joven sira, presiza iha pasensia uituan hatene ba ne’ebé risku ne’e oinsá di’ak ka lae kondisaun para hakat liu difikuldade sira ne’ebé mak sira infrenta ida ne’e mak importante, nia hakotu. *Jos