FEATUREDIkus LiuNewsPolitika

Portugal Atribui Medallla Orden De Camões Ba Horta

Fahe Tutan

Naunil Media (Lisboa), Prezidente Repúblika (PR), Portugál, Marcelo Rebelo de Sousa atribui medalla kondekorasaun Ordem de Camões bá Prezidente Republika, José Ramos-Horta.

Ordem de Camões nu’udar Ordem Honorífica Portuguesa ida ne’ebé rekonesimentu nivel aas bá pesoal sira ne’ebé ajuda habelar lingua Portugueza iha mundu.

Xefe Estadu Ramos-Horta konsidera, kondekorasaun ne’e nu’udar rekonesimentu importante ida, ne’ebé la’òs atribui de’it ba nia, maibé Governu Portugues oferese mos ba lider nasional sira hanesan, Kay Rala Xanana Gusmã, Taur Matan Ruak, Mari Alkatiri no Fransisco Guterres Lú-Olo hodi hametin lasu amizade entre Timor-Leste no Portugal.

“Too agora ne’e ha’u hetan kondekorasaun boot tolu ne’ebé Governu Portugues fó ba ha’u. primeiru kondekorasaun, Ordem De Liberdade, Portugal, (1998), Ordem Dom Infante Portugal (2011) no terseiru mak Ordem de Camões nu’udar Ordem Honorífica Portuguesa hanesan orden ida kee aas liu, tanba ita nia relasaun di’ak loos entre Timor no Portugal,” dehan PR Horta, ne’ebé Naunil Media assesu liu husi Komunikadu iha palásiu Prezidensiál, Kinta, (03/11).

Prezidente Ramos-Horta dehan, Medalha Ordem de Camões hanesan orden ida aas liu ne’ebé Xefe Estadu Portugés atribui de’it ba nivel Xefe Estadu sira bainhira hala’o vizita estadu hodi hametin kooperasaun bilateral.

Durante ne’e, Xefe Estadu Ramos-Horta hetan ona rekoñesimentu prémiu mundiál hanesan, Premiu Novel da Paz (1996), Orden de Australia (2015),Ordem de Timor-Leste (2012),Ordem Dom Boaventura (2006), Orden de Brazil, Cuba, Guinea-Bissau no  Cavo Verde.*Jos

Leave a Reply

Your email address will not be published. Required fields are marked *