Postu Adminitrativu 6 Iha Munisípiu Bobonaro Sei Komemora Loron 12 Novembru
Naunil Media (Maliana), Centru Joventude Bobonaro Entrega fundus ba Komisaun Organizadora Postu Administrativu hodi Selebra Loron Nasionál Joventude no Masakre Santa kruz 12 De Novembru.
Tuir Diretór Ezekutivu Centru Joventude Bobonaro(DECJB) Alcino Lopes, relata objetivu distribui fundus ba Comisaun Organizador postu Administarivu 6 hodi halo selebra ba Loron Nasionál Joventude no Loron Masakre santa kruz 12 Novembru no selebrasaun Tinan iha Mudansa.
“Selebrasaun loron Nasional no loron 12 Novembru Masakre Santa kruz tinan ne’e la hanesan tinan tinan, uluk ita selebra deit iha postu ida, maibé tinan ne’e selebra iha Postu Administrativu 6 ne’e htu no ita distribui osan ba sira hodi sira nain Jere rasik”,Dehan Diretor Alcino iha Salaun CJB, Terca(8/11/22).
Nia hatutan, Orsamentu Aloka ba Postu Administrativa ho montante ne’ebe la hanesan bazeia ba númeru suku no iha atividade 3 mak Postu Administrativu sei halo iha Selebrasaun ne’e.
“Orsamentu ne’ebé mak SJDE haruka mai Munisípiu Bobonaru mai ho pakote ida ne’ebé ita Bobonaru iha Postu 6 no ita aloka orsamentu ba postu la hanesan Postu ne’e mak Suku barak liu sei hetan liu, la hanesan ho postu ne’e Suku ituan no ita iha atividade tolu mak Seiminariu, refleksaun no Misa Agradesimentu “, nia Sublina.
Diretór ne’e mós husu ba Joventude hotu-hotu iha Munisípiu Bobonaru atu hakbesik an ba ida-idak nia Postu Administrativu hodi selebra loron Nasinál Joventude ho pas no estabilidade hodi kontribui ba Dezenvolvivento Nasionál.
Total Orsamentu $4500 orsamentu aloka ba Postu Administrativu Bobonaru ho montante $100 ,Maliana, Balibo, Lolotoe, Kailaku ho Montante $700 no Atabae $500. Gyor
