Administradór Atsabe Costancio: Esperansa OJE 2023 Bele Hadia Estrada Glenu Ba-Atsabe
Naunil Media (Ermera), relasiona ho kondisaun estrada ne’ebé mak at, Administradór Postu Administrativu Atsabe, Munisípiu Ermera, Costancio da Silva espera katak, orsamentu jerál estadu (OJE) ba 2023 ne’ebé mak aprova ona iha Parlamentu Nasionál ho montante 3.16 billaun ne’e bele hadia estrada netik dirasaun husi Glenu mai Atsabe
“OJE 2023 ne’ebé mak aprova ona ho nia montante 3.16 Billaun tama ona iha ajenda, ne’ebé katak Janeiru tinan 2023 ne’e espera bele realiza ka hadia estrada mai Atsabe”. Dehan administradór administrativu Atsabe ba jornalista iha nia knaar fatin, kinta (10/11).
Administradór ne’e hatutan, kona-ba kondisaun estrada atual dirasaun husi postu administrativu Glenu mai to’o Atsabe ne’e risku teb-tebes.
Enkuantu nu’udar administradór ba postu atsabe senti la seguru ho kondisaun estrada ne’ebé mak fo risku ba populasaun sira ne’ebé mak hela iha postu ida ne’e no transporte.
Nune’e sosiedade sivil tantu governu, no ita nia parseiru governu ne’ebé agora iha Munisípiu Ermera hamutuk tolu nulu resin ne’e preukupa tebes ho kondisaun estrada ida ne’e. LTS
