PPN Aniceto: Apoiu Estudante Halo Manifestasaun, Hapara Sosa Kareta Ba-Deputadu
Naunil Media (Díli), Prezidente Parlamentu Nasionál (PPN), Aniceto Longinhos Guterres Lopes apoiu estudante no joventude sira halo manifestasaun hodi hapara sosa kareta ba deputadu sira.
“Ha’u konvida deputadu sira, atu reve tanba polítika sosa karreta ba deputadu sira, tanba hahu sala tiha ona, ne’ebé hau apoiu estudante no joven sira ne’ebé halo manifestasaun”, dehan Prezidente Parlamentu Nasionál perante diskusaun Orsamentu Jerál Estadu 2023 iha PN, kuarta (9/11).
Nudar Prezidente Parlamentu Nasionál no Prezidente ba Konselho Administrasaun Parlamentu Nasionál, Aniceto hatete, polítika sosa karreta hahú sala iha segunda legislatura.
Enkuantu Prezidente Parlamentu Nasionál dehan, Governu hakat tiha ona ho polítika ida ba kargu xefia sira, atribui de’it subsidiu transporte la fó kareta.
Tanba Lei estutu deputadu sira hatete katak deputadu sira iha direitu ba transporte, maibé la signifika tenke hetan kareta.
Nune’e mós Interpretasaun ida dehan, Deputadu sira iha direitu ba karreta hahu 2007 iha segunda llegislatura, ne’e interpretasaun ne’ebé sala.
“Uluk FRETILIN kontra sosa karreta ne’e, hau xefe bankada hau hamrik iha oin kontra sosa kareta, lolos atribui deit subsidiu transporte”. Dehan PPN
Ohin loron atu sosa kareta iha problema hela deit, tanba hahú husi akizasaun, manutesaun, konbustivél, motorista tanba implika ba despeza ne’ebé bo’ot, hakotu nia. LTS
