EdukasaunFEATUREDIkus LiuNews

EBC DR José Ramos Horta Atsabe estudante Sei Tuir Ezame Trimestre III

Fahe Tutan

Naunil Media (Ermera), Ensinu Báziku Central (EBC) 3 Sikulu DR José Ramos Horta Atsabe, estudante husi setimu anu ho oitavu anu hamutuk 384, sei tuir ezame terseiru trimestre iha loron segunda 14 fulan Novembru tinan 2022.

Diretora EBC DR José Ramos Horta Atsabe, Beronica de Deus Fernandes katak, agora dadauk EBC Ramos Horta prepara hotu ona pontus ba ezame nian, ne’ebé hein para atu ezame pasajen iha dia 14.

“Ami nia alunu iha EBC DR José Ramos Horta Atsabe totál hamutuk 604 maibé kompostu husi númeru ne’e estudante klase nonu anu hamutuk 218 mak Tuir tiha ona ezame Nasionál”. Dehan diretora EBC DR José Ramos Horta ba jornalista iha nia knaar fatin iha Atsabe, sesta (11/11).

Diretora EBC Ramos Horta hatutan, Estudante 384 ne’ebé mak atu tuir ezame terseiru trimestre ne’e, estudante husi klase setimu anu hamutuk 182 no husi klase oitavu anu hamutuk 202.

“Ami nia preparasaun ba ezame ne’e kondisaun ne’ebé mak seidauk iha ba ida ne’e, maibé ami iha balun prepara halo matéria ne’e limitadu depois mak ami bele kopi iha kuadru, no iha balun ne’ebé mak disponivel prepara duni hodi produs barak para atu bele espalla kada alunus ida-idak”, nia esplika

Enkuantu eskola EBC José Ramos Horta Atsabe iha uma 7 ho nia sala hamutuk 12. LTS

Leave a Reply

Your email address will not be published. Required fields are marked *