MOFA Realiza Semináriu Partisipa Husi líder Nasionál
Naunil Média (Ermera), Prezidente Movimentu Foin Sa’e Atsabe (MOFA), Ezitru dos Santos hateten, Postu administrativu atsabe pela primeira vez realiza semináriu hetan partisipasaun husi líder nasionál sira hanesan ohin loron eis tenente reformadu Tito da Costa “Lere anan Timur” marka prezensa
“Ohin ami foin sa’e atsabe hetan previleziu bo’ot ida, hahú kedas husi tempu invazaun Indonézia to’o iha Timor-Leste ukun an tinan 20 ona, pela primeira vez ami realiza semináriu hanesan ne’e, no partisipa husi líder nasionál sira, i liuliu líder sira ne’ebé sai autór vivu ba luta prosesu libertasaun pátria povu Maubere nian ida ne’e, ohin avo Lere marka prezensa iha ne’e”, dehan prezidente MOFA iha nia diskursu iha salaun Atsabe, Kinta (10/11)
MOFA realiza semináriu nasionál ne’e ho nia objetivu prinsipál rua mak hanesan primeiru objetivu mak hanoin hikas masakre santa Cruz hanesan refleksaun bo’ot ida husi ita nia luta ba libertasaun pátria atu mundu bele loke matan ba sofrementu povu Timor-Leste ida ne’e nia terus no susar.
Enkuantu segundu mak hanoin hikas deslutu ba autór hanesan jornalista internasionál ida saudozu Maxthal ne’ebé husik hela ita ba tinan ida iha mundu ida ne’e.
Nune’e mós loron 12 fulan Novembru hanesan loron nasionál ba juventude Timor-Leste tomak.
Fundus ne’ebé maka MOFA hetan tanba ho sira inisiativa halo sira nia proposta, nune’e hetan Apoiu, husi sekretáriu Jerál Juventiude no Deportu 500 USD, Ministeriu defeza 1.915 USD, Centro nasionál Chega, 1.250 USD totál orsamemtu ne’e 3.665 USD.
Entretantu partisipa husi semináriu nasionál ne’e partisipa husi eis tenente reformadu Lere anan Timur, reprezentante Komité 12 Novembru, administradór administrativu Atsabe, veteranus, juventude postu atsabe, professores no profesoras, estudantes no inan aman sira. LTS
