Komandu F-FDTL Sei Deside Xefe Kaza Militár Foun
Naunil Media (Díli), Vice Xefe Estado Maior General FALINTIL- Forsa Defeza Timor-Leste (F-FDTL) Major General, Calisto do Santos Coliati, Hateten komandu F-FDTL sei hola desizaun ba Xefe kaza Militár foun.
Major General Coliati hato’o lia hirak ne’e ba jornalista sira hafoin enkontru ho Prezidente Repúblika (PR), José Ramos Horta iha palásiu Prezidensiál Nicolau Lobato Bairru Pite, sesta (18/11).
“Sim, normalmente tenke Koronel maibé enkuantu Koronel laiha bele mós Tenente Koronel, opiniaun ida ne’e ha’u sei lori fila-fali ba iha Komandu depois Tenente General, Komodoru, ami nain tolu tur hamutuk depois hola desizaun, hafoin retira husi Xefe Kaza Militár Koronel Renilde fila-fali ba iha Kuartel General Forsa Armada nian, tanba ne’e pozisaun ba Kaza Militár ne’e mamuk ne’ebé ohin enkontru ida ne’e Xefe Estadu sita mós kona-bá Xefe Kaza Militár”, dehan Vice Xefe Estadu Maior General Coliati.
Nia hatutan, Purenkuantu to’o agora seidauk iha desizaun kona-bá ofisiál ida ne’ebé atu mai troka fali pozisaun iha Xefe Kaza Militar nian.
Calisto do Santos mós informa pontu situasaun no aktividade militár nian ba Prezidente Repúblika mak hanesan enseramentu ba kursu forsa espesial iha Tasi-Tolu no mós ho aktividade sira seluk ne’ebé hala’o iha teritoriu laran.
Major General ne’e hateten ohin mai ne’e reprezenta Tenente General Falur Rate Laek tanba nia sei ba vizita iha Oe-Cusse ne’ebé delega hela nia mai hasoru Prezidente Repúblika.
Iha enkontru ne’e Prezidente Repúblika José Ramos Horta hanesan Komandante Supremu ezerxitu Xefe Estadu apresia ba aktividade ne’ebé militár sira hala’o no Prezidente Repúblika husu atu Komandu mantein militár sira hanesan militár ne’ebé disiplinadu iha fatin hotu-hotu. *Jos
