PR Horta To’o Iha Ataúro Bero Kuaze 40 Mak Simu
PR Horta To’o Iha Ataúro Bero Kuaze 40 Mak Simu
Naunil Media (Ataúro), Prezidenti Republika (PR), José Ramos Horta ho nia kometiva wainhira too iha portu Munisipiu Ataúro ho Ró Polisia Maritima Kay Rala Xanana Gusmão, simu direta husi komunidade Ataúro oan Ró Bero hamutuk 40 resin.
Iha viajen ne’e akompaña husi Vise Ministru Interior (VMI), António Armindo no Sekretariu Estadu Protesaun Sivil (SEPS) Joaquim Gusmão.
Tuir observasaun Naunil Media nian iha terenu nota katak komunidade Ataúro kontenti tebes simu Prezidenti Repúblika ho kultura Munisípiu Ataúro nian sira ne’ebé uza Bero hodi simu bainaka sira nu’udar tradisaun ida.
Atividade hirak ne’e hala’o iha odamatan boot suku Makili no Berau nia klaran ho Bero hamutuk 40 resin iha Ilha Ataúro, simu ho kultura iha Portu Atauro wainhira Prezidenti Repúblika ho ekipa too iha Portu Atauro iha tuku 15:30 otl.
Tuir Oráriu, Xefe Estadu sei iha Atauro hahu husi loron 21 too 24 Novembru 2022 hodi partisipa iha eventu Festival Múzika no Kulturá Atauro.*Jos
